ۋكراينا پرەزيدەنتى ۆلاديمير زەلەنسكي رەسەيگە قارسى سوعىس ۋكراينا جەڭىسكە جەتكەندە اياقتالاتىنىن ايتتى. بۇل تۋرالى ول EPT News گرەك باسىلىمىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
مەملەكەت باسشىسى ۋكراينا ءوزىنىڭ اۋماقتىق تۇتاستىعىن قالپىنا كەلتىرۋگە دايىن ەكەنىن اتاپ ءوتتى. سونىمەن بىرگە ول بەيبىتشىلىك ءۇشىن ۋكراينانىڭ شەكارالارىن وزگەرتۋگە دايىن ەمەس ەكەنىن باسا ايتتى.
ء"بىز اۋماقتىق تۇتاستىعىمىزدى قالپىنا كەلتىرۋگە دايىنبىز. ايتپەسە، جەردىڭ ءبىر بولىگىن رەسەيگە بەرۋگە دايىن بولساق، بۇل ادامداردىڭ ءبارى بەكەر قايتىس بولدى دەگەن ءسوز. سوندا ولار نە ءۇشىن قايتىس بولدى؟" – دەدى مەملەكەت باسشىسى.
سونداي-اق ول جەر رەسەيگە بەرىلسە، قىرىمدى باسىپ العاننان كەيىن دە توقتاماعانى سياقتى، مۇنىمەن دە توقتامايتىنىن باسا ايتتى.
"سوسىن 2-3 جىلدان كەيىن جاڭا شابۋىلعا دەيىن دەمالۋعا ۋاقىت بەرىڭىز. ءبىز مۇنىمەن كەلىسپەيمىز", - دەپ قوستى پرەزيدەنت.
"ادىرنا" ۇلتتىق پورتالى
