"پۋتين ارمەنيانى ۋكرايناعا قارسى سوعىسقا تارتۋ ءۇشىن قولدان كەلگەننىڭ ءبارىن جاسايدى". بۇل تۋرالى ساياسي كەڭەسشى سۋرەن پەتروسيان ءمالىم ەتتى، دەپ جازادى "ادىرنا" ۇلتتىق پورتالى.
"ارمەنيا ۇقشۇ – عا ۋاقىتشا توراعالىق ەتەتىندىكتەن (ۇيىمعا ارمەنيا، بەلارۋس، قازاقستان، قىرعىزستان، تاجىكستان جانە رەسەي كىرەدى), نيكول پاشينيان پۋتينگە، مىسالى، قازاقستاندا بولعانداي، ۇيىم الاڭىندا قاجەتتى شەشىمدەردى باستاۋ ءۇشىن قاجەت. سوعىستىڭ باسىندا پۋتين اكىمشىلىك شەڭبەردە دونەتسك جانە لۋگانسك وبلىستارىنىڭ اۋماقتارىن باسىپ الۋدى جانە ولارعا ۇقشۇ بىتىمگەرشىلىك ميسسياسىن ەنگىزۋ ماسەلەسىن كوتەرۋدى جوسپارلادى. رەسەي ءتىپتى ءوزىن وسى پروتسەستەردە ۇيلەستىرۋشى مەملەكەت رەتىندە كوردى جانە ۇيىمنىڭ جارعىسىنا ارنايى وزگەرىستەر ەنگىزدى", — دەيدى سۋرەن پەتروسيان.
رەسەيلىك ديكتاتوردىڭ جوسپارىندا ارمەنيانى تارتۋ ماڭىزدى ءرول اتقاردى. الايدا ءبارى ول كۇتكەندەي بولا قويعان جوق. بىرىنشىدەن، ۋكراينا اۋماقتارىن باسىپ الۋ مۇمكىن ەمەس. ەكىنشىدەن، ۇقشۇ-دا مۇنداي ارەكەتتەرگە قاتىستى بىرلىك جوق.
مەندە بار اقپارات بويىنشا، نيكول پاشينيان بۇل تۋرالى فرانتسياداعى ەڭ ىقپالدى ارميان دياسپورالارىنىڭ ءبىرى ەممانۋەل ماكرونمەن كەڭەسكەن. ۋاقىتتى بارىنشا تارتىپ، سوعىسقا قاتىسپاۋ تۋرالى ۇسىنىستار الىپ وتىر. ول وسى باعىتتا ارەكەت ەتۋدە، - دەدى ساياسي ساراپشى.
"ادىرنا" ۇلتتىق پورتالى
