قازىر وقۋعا، ەڭبەكتەنۋگە، ىزدەنۋگە قۇلىقسىز، ساياسي جانە ازاماتتىق بەلسەندىلىگى تومەن جاستار كوبەيىپ بارا جاتىر. الەمدىك عىلىم مەن مەملەكەتتىك باسقارۋ سالاسىندا NEET دەگەن ۇعىمنىڭ قولدانىلا باستاعانىنا ءبىرشاما جىل بولدى. ءبىزدىڭ ەلدە دە وسى توپتاعى جاستاردىڭ سانى الاڭداتقاندىقتان قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا»ۇەب» قوعامدىق قورى «جاستاردى الەۋمەتتەندىرۋ جانە وڭالتۋ» جوباسى اياسىندا NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى بويىنشا «NEET جاستارى: قۇلىقسىز جاستاردى قالاي ىنتالاندىرامىز؟» تاقىرىبىندا تالقىلاۋ الاڭىن وتكىزدى.
تالقىلاۋ الاڭىنا “جاستار ساياساتى ماسەلەلەرى” باسقارماسى، “جۇمىسپنن قامتۋ ورتالىعى”، “جاستار” عىلىمي زەرتتەۋ ورتالىعىنان ساراپشىلار قاتىستى.
NEET ۇعىمى جاستاردىڭ ەڭبەكتەن، بىلىمنەن، الەۋمەتتىك بەلسەندىلىكتەن ءوز ەركىمەن نەمەسە ءتۇرلى سەبەپتەرمەن باس تارتۋىن بىلدىرەدى. كوپ جاعدايدا مۇنداي مىنەز-قۇلىق جاستاردىڭ قوعامنان الشاقتاۋىنا اكەلىپ سوقتىرادى. جاستارعا ارنالعان باعدارلامالار بار جانە سول ارقىلى ءبىراز جەتىستىككە جەتۋگە بولادى دەيدى “جاستار ساياساتى مالەلەلەرى” باسقارماسىنىڭ باسشىسى قايرات تەلمانۇلى.
ء“بىرىنشى جۇمىس ورنى”،، “جاستار پراكتيكاسى” جانە “ۇرپاقتار كەلىسىمشارتى” دەگەن ءۇش باعدارلاما بار. وسى ءۇش باعدارلامامەن جارتى جىل نەمەسە ءبىر جىل جۇمىس ىستەپ تاجىريبە جيناپ، سودان كەيىن سول ورتاعا جۇمىسقا كىرىپ كەتۋگە بولادى.”-, دەيدى قايرات تەلمانۇلى.
2022 جىلعا ارنالعان جوسپارعا ساي ءۇش باعدارلاما بويىنشا جۇمىس قارقىندى ءجۇرىپ جاتىر.
“جۇمىسپەن قامتۋ ورتالىعىنىڭ” بيىلعى جوسپارى “جاستار پراكتيكاسى” بويىنشا 998 ادام، “العاشقى جۇمىس ورنى” باعدارلاماسى بويىنشا 179 ادام، “ۇرپاقتار كەلىسىمشارتى” بويىنشا 31 جاستى جۇمىسقا تارتۋ قولعا الىنىپ وتىر” ،- دەيدى “نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعىنىڭ مامانى ايگەرىم قابدىراشيدقىزى.
سونداي-اق جاستارعا بيزنەستى دامىتىپ، وقۋعا جانە سپورتپەن شۇعىلدانۋعا قولداۋ كورسەتۋ ماقساتىندا “ەلوردا جاستارى” باعدارلاماسى جۇمىس ىستەپ تۇر. سەبەبى، ەلوردا جاستارىن الاڭداتىپ وتىرعان وزەكتى ماسەلە – قولجەتىمدى تۇرعىن ءۇي. بۇل ماسەلەنى شەشۋ ءۇشىن جىل سايىن 10 مىڭ پاتەر سالۋ جوسپارلانۋدا.
“ەلوردا جاستارى” دەگەن باعدارلاماعا كەلسەك، ماسەلە اقشاعا كەلىپ تىرەلەدى. قازىرگى جوسپار 200 ادام. سول 200 ادامعا 10% جارنامەن نەسيە بەرەمىز. جاستارعا مۇمكىندىك جاسالىپ جاتىر. تەك تالپىنىس كەرەك.” -, دەيدى قايرات تەلمانۇلى.
