Qazır oquǧa, eŋbektenuge, ızdenuge qūlyqsyz, saiasi jäne azamattyq belsendılıgı tömen jastar köbeiıp bara jatyr. Älemdık ǧylym men memlekettık basqaru salasynda NEET degen ūǧymnyŋ qoldanyla bastaǧanyna bırşama jyl boldy. Bızdıŋ elde de osy toptaǧy jastardyŋ sany alaŋdatqandyqtan QR Aqparat jäne qoǧamdyq damu ministrlıgı men «Azamattyq bastamalardy qoldau ortalyǧynyŋ» qoldauymen «Adyrna»ŪEB» qoǧamdyq qory «Jastardy äleumettendıru jäne oŋaltu» jobasy aiasynda NEET sanatyndaǧy jastardy elımızdıŋ äleumettık-ekonomikalyq ömırıne tartu mäselelerı boiynşa «NEET jastary: qūlyqsyz jastardy qalai yntalandyramyz?» taqyrybynda talqylau alaŋyn ötkızdı.
Talqylau alaŋyna “Jastar saiasaty mäselelerı” basqarmasy, “Jūmyspnn qamtu ortalyǧy”, “Jastar” ǧylymi zertteu ortalyǧynan sarapşylar qatysty.
NEET ūǧymy jastardyŋ eŋbekten, bılımnen, äleumettık belsendılıkten öz erkımen nemese türlı sebeptermen bas tartuyn bıldıredı. Köp jaǧdaida mūndai mınez-qūlyq jastardyŋ qoǧamnan alşaqtauyna äkelıp soqtyrady. Jastarǧa arnalǧan baǧdarlamalar bar jäne sol arqyly bıraz jetıstıkke jetuge bolady deidı “Jastar saiasaty mälelelerı” basqarmasynyŋ basşysy Qairat Telmanūly.
“Bırınşı jūmys orny”,, “Jastar praktikasy” jäne “Ūrpaqtar kelısımşarty” degen üş baǧdarlama bar. Osy üş baǧdarlamamen jarty jyl nemese bır jyl jūmys ıstep täjıribe jinap, sodan keiın sol ortaǧa jūmysqa kırıp ketuge bolady.”-, deidı Qairat Telmanūly.2022 jylǧa arnalǧan josparǧa sai üş baǧdarlama boiynşa jūmys qarqyndy jürıp jatyr.
“Jūmyspen qamtu ortalyǧynyŋ” biylǧy jospary “Jastar praktikasy” boiynşa 998 adam, “Alǧaşqy jūmys orny” baǧdarlamasy boiynşa 179 adam, “Ūrpaqtar kelısımşarty” boiynşa 31 jasty jūmysqa tartu qolǧa alynyp otyr” ,- deidı “Nūr-Sūltan qalasy äkımdıgınıŋ Halyqty jūmyspen qamtu ortalyǧynyŋ mamany Äigerım Qabdyraşidqyzy.Sondai-aq jastarǧa biznestı damytyp, oquǧa jäne sportpen şūǧyldanuǧa qoldau körsetu maqsatynda “Elorda jastary” baǧdarlamasy jūmys ıstep tūr. Sebebı, elorda jastaryn alaŋdatyp otyrǧan özektı mäsele – qoljetımdı tūrǧyn üi. Būl mäselenı şeşu üşın jyl saiyn 10 myŋ päter salu josparlanuda.
“Elorda jastary” degen baǧdarlamaǧa kelsek, mäsele aqşaǧa kelıp tıreledı. Qazırgı jospar 200 adam. Sol 200 adamǧa 10% jarnamen nesie beremız. Jastarǧa mümkındık jasalyp jatyr. Tek talpynys kerek.” -, deidı Qairat Telmanūly.
