Qazir oqýǵa, eńbektenýge, izdenýge qulyqsyz, saıası jáne azamattyq belsendiligi tómen jastar kóbeıip bara jatyr. Álemdik ǵylym men memlekettik basqarý salasynda NEET degen uǵymnyń qoldanyla bastaǵanyna birshama jyl boldy. Bizdiń elde de osy toptaǵy jastardyń sany alańdatqandyqtan QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna»UEB» qoǵamdyq qory «Jastardy áleýmettendirý jáne ońaltý» jobasy aıasynda NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri boıynsha «NEET jastary: qulyqsyz jastardy qalaı yntalandyramyz?» taqyrybynda talqylaý alańyn ótkizdi.
Talqylaý alańyna “Jastar saıasaty máseleleri” basqarmasy, “Jumyspnn qamtý ortalyǵy”, “Jastar” ǵylymı zertteý ortalyǵynan sarapshylar qatysty.
NEET uǵymy jastardyń eńbekten, bilimnen, áleýmettik belsendilikten óz erkimen nemese túrli sebeptermen bas tartýyn bildiredi. Kóp jaǵdaıda mundaı minez-qulyq jastardyń qoǵamnan alshaqtaýyna ákelip soqtyrady. Jastarǵa arnalǵan baǵdarlamalar bar jáne sol arqyly biraz jetistikke jetýge bolady deıdi “Jastar saıasaty máleleleri” basqarmasynyń basshysy Qaırat Telmanuly.
“Birinshi jumys orny”,, “Jastar praktıkasy” jáne “Urpaqtar kelisimsharty” degen úsh baǵdarlama bar. Osy úsh baǵdarlamamen jarty jyl nemese bir jyl jumys istep tájirıbe jınap, sodan keıin sol ortaǵa jumysqa kirip ketýge bolady.”-, deıdi Qaırat Telmanuly.
2022 jylǵa arnalǵan josparǵa saı úsh baǵdarlama boıynsha jumys qarqyndy júrip jatyr.
“Jumyspen qamtý ortalyǵynyń” bıylǵy jospary “Jastar praktıkasy” boıynsha 998 adam, “Alǵashqy jumys orny” baǵdarlamasy boıynsha 179 adam, “Urpaqtar kelisimsharty” boıynsha 31 jasty jumysqa tartý qolǵa alynyp otyr” ,- deıdi “Nur-Sultan qalasy ákimdiginiń Halyqty jumyspen qamtý ortalyǵynyń mamany Áıgerim Qabdyrashıdqyzy.
Sondaı-aq jastarǵa bıznesti damytyp, oqýǵa jáne sportpen shuǵyldanýǵa qoldaý kórsetý maqsatynda “Elorda jastary” baǵdarlamasy jumys istep tur. Sebebi, elorda jastaryn alańdatyp otyrǵan ózekti másele – qoljetimdi turǵyn úı. Bul máseleni sheshý úshin jyl saıyn 10 myń páter salý josparlanýda.
“Elorda jastary” degen baǵdarlamaǵa kelsek, másele aqshaǵa kelip tireledi. Qazirgi jospar 200 adam. Sol 200 adamǵa 10% jarnamen nesıe beremiz. Jastarǵa múmkindik jasalyp jatyr. Tek talpynys kerek.” -, deıdi Qaırat Telmanuly.
