Atyraý oblysynda 1 mlrd teńgege oqý kabınetin satyp almaq bolǵan mektep anyqtaldy.
Atyraý oblysy boıynsha Sybaılas jemqorlyqqa qarsy qyzmet málimetinshe, oqý kabınetteriniń shyn mánindegi baǵasy 3,5 mıllıon teńgeden 7 mıllıon teńgege deıin bolǵan.
«Maqat aýdandyq bilim bólimine qarasty B. Qanatbaev atyndaǵy orta mektep 1 mıllıard teńgege qyzdarǵa arnalǵan tehnologııa kabınetin satyp alýdy josparlaǵan. Alaıda oqý kabınetiniń quny 3,5 mıllıon teńgeden 7 mıllıon teńgeni quraıtyny belgili boldy», - delingen agenttik habarlamasynda.
Bul faktini Sybaılas jemqorlyqqa qarsy qyzmet memlekettik satyp alý portalynda júrgizgen monıtorıng barysynda anyqtady. Tekserý qorytyndysy boıynsha memlekettik satyp alýdy uıymdastyrýshyǵa usynys hat joldandy. Keıin bul soma 12 mıllıon teńgege ózgertilip, 1 059 428 571 teńge bıýdjet qarajatyn únemdeldi.
“Adyrna” ulttyq portaly
