قاڭتاردا جاپپاي تارتىپسىزدىكتى ۇيىمداستىردى جانە وعان قاتىستى دەگەن كۇدىكپەن ۇستالعان الماتى ءماسليحاتىنىڭ دەپۋتاتى قايرات قۇدايبەرگەنگە مورالدىق-پسيحولوگيالىق قىسىم كورسەتىلىپ جاتىر. بۇل تۋرالى ونىڭ ادۆوكاتى مۇرات ءاميتوۆ حابارلادى.
ادۆوكات باس پروكۋراتۋرا قىزمەتكەرلەرىنىڭ قىسىمىنا شاعىمدانعان قايرات قۇدايبەرگەننىڭ مالىمدەمەسىن جاريالادى.
«ونىڭ سوزىنەن تەرگەۋ يزولياتورىنىڭ قابىرعاسىندا قازاقستان رەسپۋبليكاسى باس پروكۋراتۋراسى مسرو جەدەل ۋاكىلى قايراتقا ادۆوكاتتارسىز كەلگەنىن بىلدىك. ورتالىق ەتىپ، وعان مورالدىق-پسيحولوگيالىق قىسىم كورسەتكەن. ار-نامىسى مەن قادىر-قاسيەتىن تومەندەتكەن بۇل وفيتسەر قايرات ولارعا قاجەتتى ايعاقتاردى بەرمەسە، ۇزاق ۋاقىت تۇرمەگە جابىلادى دەپ قورقىتتى» دەدى اميتوۆ.
ول قايرات قۇدايبەرگەننىڭ ىستەرى ءالى سارالانىپ بىتپەگەنىن اتاپ ءوتتى.
«تەرگەۋ سوتى قايراتقا «قاماۋ» تۇرىندەگى بۇلتارتپاۋ شاراسىن سوتقا دەيىنگى تەرگەپ-تەكسەرۋ ورگانى ونىڭ كىناسىن دالەلدەيتىندەي ەتىپ الۋى ءۇشىن سانكتسيا بەردى مە؟» دەپ سۇراق قويدى ادۆوكات.
ادۆوكاتتىڭ ايتۋىنشا، قايراتتىڭ ۋاجدەرىن تىركەۋ كىتابى مەن لا-155/18 مەكەمەلەرىندە ورناتىلعان بەينەكامەرالار جازبالارىن تارتىپ الۋ ارقىلى راستاۋعا بولادى. وندا ادۆوكاتتار بولماعان كەزدە كىم، قاشان، قانداي ماقساتپەن بارعانىن كورۋگە بولادى. قايراتتىڭ ايتۋىنشا، وقيعا 2022 جىلدىڭ 26 ساۋىرىندە ساعات 10:30 شاماسىندا بولعان.
«ءبىز قۇزىرلى ورگاندارعا ءتيىستى ارىزدار مەن شاعىمداردى جىبەرەمىز. ءبىز قاداعالاۋ ورگاندارىنان كەيبىر ءتارتىپ ساقشىلارىنىڭ مۇنداي زاڭسىز ارانداتۋشىلىق ارەكەتتەرىن توقتاتىپ، قايراتقا قاتىستى بۇلتارتپاۋ شاراسىن دەرەۋ وزگەرتۋدى تالاپ ەتەمىز» دەدى ادۆوكات.
Orda.kz سايتىنىڭ ساۋالىنا قايرات قۇدايبەرگەن «ديكي ارمانمەن» تانىس ەمەس، بىراق ونىمەن الاڭدا كەزدەسىپ، جۇرتتى جۇباتۋ ءۇشىن ءوزى كەلگەنىن ايتتى. ەكەۋى دە سول جەردە بەينەكامەرالاردىڭ وبەكتيۆتەرىنە ءتۇستى. ءماسليحات دەپۋتاتى ەندى «ديكي ارمانمەن» ارالاسپايتىنىن ايتتى.
ءساۋىردىڭ 22-ءسى كۇنى تاڭەرتەڭ قۇدايبەرگەن اعىمداعى جىلدىڭ قاڭتارىنداعى جاپپاي تارتىپسىزدىكتى ۇيىمداستىردى جانە وعان قاتىستى دەگەن كۇدىكپەن ۋاقىتشا ۇستاۋ يزولياتورىنا قامالدى.
پروكۋراتۋرانىڭ مالىمەتىنشە، قۇدايبەرگەن جۇماگەلديەۆپەن (ديكي ارمان) بىرگە ادامداردى «قازاقستان» قوناقۇيىنە جيناعان. وندا جۇماگەلديەۆتىڭ توڭىرەگىنە توپتاسىپ، ونى قولداۋعا، بيلىككە ورتاق تالاپتار قويۋعا شاقىردى.
