رەسەيدىڭ بەلگورود وبلىسىندا وق-ءدارى ساقتايتىن قويما ورتكە وراندى، دەپ حابارلايدى “ادىرنا” ۇلتتىق پورتالى.
«شامامەن 03:35-تە مەن جارىلىس سياقتى قاتتى دىبىستان وياندىم. وسى حابارلامانى جازىپ جاتقانىمدا تاعى ءۇش جارىلىس بولدى»، دەپ جازدى وبلىس گۋبەرناتورى ۆياچەسلاۆ گلادكوۆ Telegram ارناسىندا.
«مەن گولوۆينسكي اۋىلدىق ەلدى مەكەنىنىڭ باسشىسى دەنيس زولوتۋحينمەن جاڭا عانا حابارلاستىم. الدىن الا مالىمەت بويىنشا، ستارايا نەليدوۆكا اۋىلىنىڭ ماڭىندا وق-ءدارى قويماسى ورتەنىپ جاتىر»، دەپ جازدى ۆ. گلادكوۆ.
بەيبىت تۇرعىندار مەن ۇيلەرگە ەش زارداپ كەلمەگەن.
”ادىرنا” ۇلتتىق پورتالى
