الماتى وبلىسىندا وتان قورعاۋشىلار مەن جەڭىس كۇنىنە وراي 2000-نان استام ءىس-شارا وتەدى

1977
Adyrna.kz Telegram

 جاقىن ارادا قازاقستاندىقتار ءۇشىن ەرەكشە مەرەكەلەرگە تولى كوپتەن كۇتكەن مامىر ايى كەلەدى. 1 مامىردا رەسپۋبليكادا حالىقتار بىرلىگى مەرەكەسى، 7 مامىر – وتان قورعاۋشىلار كۇنى جانە 9 مامىر - جەڭىس كۇنى تويلانادى.

الماتى وبلىسىندا كوكتەمگى ءىس-شارالاردى اۋقىمدى تۇردە اتاپ وتۋگە دايىندىق قىزۋ. ولار ءساۋىر ايىنىڭ سوڭىنان باستاپ اتاپ وتىلەدى. مادەني-بۇقارالىق ءىس-شارالاردان 1 مامىرعا دەيىن وبلىستىڭ قالالارى مەن اۋدان ورتالىقتارىندا «مامىر شۋاق، ىنتىماق ۇيىمى» كىتاپ كورمەلەرى ۇيىمداستىرىلدى. جاس ۇرپاق ءۇشىن چەللەندجدەر مەن فلەشموبتار باستالادى. سپەكتاكلدەر قويۋ، «جيۆوي اربات» جاندى مۋزىكا كەشى، «بەيبىتشىلىك - ەل تىرەگى» اتتى جاس ۇرپاققا ارنالعان فورۋمدار وسىنىڭ بارلىعى جەتىسۋلىقتاردىڭ نازارىنا ۇسىنىلادى. سونىمەن قاتار، وبلىس ورتالىعىندا، جاستار ساياباعىندا قازاقستان حالىقتارى اسسامبلەياسىنىڭ قاتىسۋىمەن فەستيۆال وتەدى. بۇل تۋرالى الماتى وبلىسى ىشكى ساياسات باسقارماسىنىڭ باسشىسى بولات كەرىمبەك ءباسپاسوز ءماسليحاتىندا مالىمدەدى.

جالپى، اعىمداعى 2022 جىلى قازاقستان حالقىنىڭ بىرلىگى مەرەكەسى جاڭا قازاقستاننىڭ مۇراتتارى مەن قۇندىلىقتارى توڭىرەگىندە ۇلتتى ۇيىستىرۋ ۇرانىمەن وتەدى.

ايتا كەتۋ كەرەك، الماتى وبلىسىندا وتان قورعاۋشىلار كۇنى مەن ۇلى وتان سوعىسىنداعى جەڭىس كۇنىن مەرەكەلەۋدىڭ بىرىڭعاي الگوريتمى قولدانىلادى. وسىعان بايلانىستى ءىس-شارالار جوسپارى ازىرلەندى جانە جۇمىستار جۇرگىزىلۋدە.

مەرەكەگە ارنالعان ءىس-شارالار جوسپارى اياسىندا ءار ءتۇرلى دەڭگەيدەگى جانە فورماتتاعى 2000-نان استام ءىس-شارالار (تاقىرىپتىق كىتاپ كورمەلەرى، ءبىلىم بەرۋ مەكەمەلەرىندەگى ساباقتار مەن كۋراتورلىق ساعاتتار) وتەدى، حالىقتىڭ پاتريوتتىق سەزىمىن قالىپتاستىرۋ ءۇشىن فوتوكونكۋرستار، فورۋمدار مەن فەستيۆالدار، كەزدەسۋلەر، الەۋمەتتىك مەكەمەلەردەگى قايىرىمدىلىق اكتسيالارى، كونتسەرتتىك باعدارلامالار، چەللەندجدەر، سپورتتىق جارىستار جانە ت.ب.ۇيىمداستىرىلادى. سونىمەن قاتار، جەڭىس كۇنىن مەرەكەلەۋ كۇندەرى ونلاين فورماتتا وتەتىن «ەر ەسىمى-ەل ەسىندە» ۆيتى ونلاين اكتسياسى ۇيىمداستىرىلدى.

«قر اسكەري قىزمەتشىلەرى ءۇشىن 2020 جىلعى 6 مامىرداعى № 322-VI "ارداگەرلەر تۋرالى" قر زاڭى بەكىتىلگەنىن اتاپ وتكەن ءجون.وسىعان بايلانىستى، جىل سايىن جوعارىدا اتالعان ساناتتارداعى جەڭىس كۇنىنە وراي ءبىر رەتتىك ماتەريالدىق كومەك كورسەتىلەدى»،-دەپ اتاپ ءوتتى سپيكەر.

پىكىرلەر