مەملەكەتتىك قىزمەت سالاسىنداعى ادەپ جونىندەگى كوميسسيالارعا بىرقاتار وكىلەتتىلىكتەر بەرىلدى. بۇل تۋرالى قر مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباەۆ شىمكەنت قالاسىنا جۇمىس ساپارى بارىسىندا ايتتى.
«ادەپ جونىندەگى كوميسسياسىنا جەكەلەگەن ساياسي قىزمەتشىلەر وبلىستار، رەسپۋبليكالىق ماڭىزى بار قالالار اكىمدەرى ورىنباسارلارىنىڭ، اۋدان اكىمدەرى جانە «ا» كورپۋسىنا جاتاتىن قىزمەتشىلەردىڭ جاۋاپكەرشىلىگىن قاراۋ وكىلەتتىكتەرى بەرىلدى»، دەدى اگەنتتىك توراعاسى.
سونىمەن قاتار ول مەملەكەتتىك قىزمەت سالاسىندا جاسالىپ جاتقان اۋقىمدى رەفورما تۋرالى دا باياندادى.
«مەملەكەتتىك قىزمەتتەردى كورسەتۋ ۋاقىتىلى، ساپالى، كەدەرگىسىز ورىندالۋى قاجەت. مەملەكەتتىك قىزمەت بيۋروكراتياعا جول بەرمەيتىن، حالىقتىڭ قاجەتىنە باعدارلانعان سەرۆيستىك سيپاتتا ۇيىمداستىرىلعان كەزدە قالىپتاسقان ولقىلىقتار ەڭسەرىلىپ، مەملەكەتتىك اپپاراتتىڭ جۇمىسى جاڭا دەڭگەيگە كوتەرىلەرى انىق. جاسالىپ جاتقان رەفورمالاردىڭ بارلىعى دا ەل يگىلىگىنە باعىتتالىپ وتىر. مەملەكەتتىك قىزمەتتى تۇبەگەيلى جاڭعىرتۋدىڭ دا باستى ماقساتى – «حالىق ۇنىنە قۇلاق اساتىن» مەملەكەتتىك اپپارات قالىپتاستىرۋ»، – دەدى د. جازىقباەۆ.
