عىلىم جانە جوعارى ءبىلىم مينيسترلىگى «عىلىم جانە تەحنولوگيالىق ساياسات تۋرالى» زاڭنىڭ تالاپتارىنان تۋىنداعان ادەپ ۇلگىلەرى تۋرالى تولىعىراق اقپارات بەردى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
عىلىمي ادەپ ۇلگىلەرى تۋرالى بۇيرىق جوباسى كوپشىلىك تالقىلاۋىنا شىعارىلدى.
قازاقستان اۋماعىندا جۇمىس ىستەيتىن عالىمدارعا قويىلاتىن ادەپ ۇلگىلەرى 11 پرينتسيپتەن تۇراتىنى بەلگىلى بولدى. مينيسترلىك حابارلاماسىندا:
«بۇرىن ورىندالعان زەرتتەۋلەر مەن جاريالانعان ناتيجەلەردى جاڭا زەرتتەۋلەر رەتىندە ۇسىنۋعا جول بەرىلمەيدى»، - دەپ جازىلعان.
ۇسىنىلىپ وتىرعان قۇجاتتا وزگە عالىمدار مەن زەرتتەۋشىلەردى كەمسىتىپ، قۋدالاۋ دا عىلىمي ادەپكە جات ەكەنى كورسەتىلگەن.
«ۇلتتىق عىلىمي، ديسسەرتاتسيالىق كەڭەستەر مەن كوميسسيا مۇشەلەرىنىڭ، ساراپشىلار مەن رەتسەنزەنتتەردىڭ وبەكتيۆتىلىگىنە اسەر ەتۋى مۇمكىن ارەكەتتەرگە جول بەرىلمەيدى»، - دەپ جازىلعان بۇيرىق جوباسىندا.
