مەملەكەتتىك ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيا ءوز جۇمىسىن اياقتادى. بۇل تۋرالى عىلىم جانە جوعارى بiلiم ءمينيسترى ساياسات نۇربەك ايتتى، دەپ حابارلايدى «ادىرنا» ءتىلشىسى.
بيىل ءبىلىم بەرۋ گرانتتارىن تاعايىنداۋ كونكۋرسىنا قاتىسۋعا 94 مىڭنان استام ءوتىنىم بەرىلدى. تالاپكەرلەردىڭ باسىم بولىگىنىڭ تاڭداۋى «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» جانە «اقپاراتتىق-كوممۋنيكاتسيالىق تەحنولوگيالار» باعىتتارىنداعى ماماندىقتارعا تۇسكەن.
كونكۋرستىق ىرiكتەۋدiڭ قورىتىندىسى عىلىم جانە جوعارى بiلiم مينيسترلiگiنىڭ ينتەرنەت رەسۋرسىندا، t.me/gylym_jogary_bilim تەلەگرام ارناسىندا جانە ۆەدومستۆونىڭ الەۋمەتتىك جەلىدەگى رەسمي پاراقشالارىندا 10 تامىزعا دەيىن جاريالانادى.
ال جوعارى وقۋ ورىندارىنا قۇجاتتاردى قابىلداۋ 25 تامىزدا اياقتالادى.
«كوميسسيا قۇرامىنداعى بىلىكتى دە كاسىبي الەۋەتى جوعارى ءتۇرلى سالا ساراپشىلارى تاباندى ەڭبەك ەتىپ، اۋقىمدى جۇمىس جاساي ءبىلدى. وسى رەتتە ايتا كەتسەك، بيىلعى كوميسسيا ساپىندا قازاقستان رەسپۋبليكاسى پارلامەنتىنىڭ دەپۋتاتتارى، مەملەكەتتىك ورگاندار مەن بiلiم سالاسى كاسiپوداقتارىنىڭ جەتەكشىلەرى جانە «اتامەكەن» ۇلتتىق كاسiپكەرلەر پالاتاسىنىڭ، جوعارعى وقۋ ورىندارى قاۋىمداستىعىنىڭ، قوعامدىق ۇيىمداردىڭ وكىلدەرى بولدى.
ەندى تالاپكەرلەردىڭ ۇبت-دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە ءبىلىم بەرۋ گرانتتارى تاعايىندالاتىن بولادى»،—دەدى مينيستر.
