"ەسەمدى قايتارار ەدىم": ارتاەۆ گولوۆكيننىڭ ورنىندا بولسا نە ىستەيتىنىن ايتتى

2902
Adyrna.kz Telegram
اقتوبەدە جاستار اراسىندا بوكستان ەل چەمپيوناتى باستالىپ، وعان قوناق رەتىندە 2004 جىلعى افينا وليمپياداسىنىڭ چەمپيونى، بۇگىندە «Astana Arlans» كلۋبىنىڭ جەتەكشىسى باقتيار ارتاەۆ شاقىرىلعان. Prosports.kz تىلشىسىنە سۇحبات بەرگەن ول قازاقستاندىق بوكسشىلار تۋرالى پىكىر ءبىلدىردى دەپ حاباراليدىNUR.KZ.

– بۇگىنگى تاڭدا ەلىمىزدە كوپ بوكسشىلار اۋەسقويدان كاسىپقويعا كوپتەپ اۋىسىپ جاتىر. بۇل قازاق بوكسىنا پايدالى ما؟

– ارينە، قازاق بوكسى ءۇشىن پايدالى. ويتكەنى، وسى ارقىلى الەم قازاق بوكسىن تۇبىنەن تاني باستايدى. گەننادي گولوۆكيننىڭ ءوزىن الايىق. قانات يسلام مەن بەيبىت شۇمەنوۆ بار. وسى ءۇش جىگىتتىڭ ارقاسىندا قازاقستاندى قازىر ەكونوميكالىق نەمەسە جاس مەملەكەت قانا ەمەس، سپورت مەملەكەتى رەتىندە تاني باستادى.

قازىر الەمنىڭ قاي جەرىنە بارساڭ دا، وسى ءۇش جىگىتتىڭ اتىن اتاساڭ، تانىپ جاتادى. جاس بوكسشىلارىمىز دا ەرتەڭ بارعان جەرىنەن جەڭىسكە جەتىپ جاتسا، نۇر ۇستىنە نۇر عوي.

ولار ەلىمىزدىڭ تانىلۋىنا ۇلكەن ۇلەس قوسىپ جاتىر.

– گولوۆكيننىڭ سوڭعى جەكپە-جەگىنە توقتالساق. ۆانەس مارتيروسيانعا قارسى جەكپە-جەك تۋرالى ويىڭىز...

– بۇل جەكپە-جەكتىڭ قالاي اياقتالاتىنىن بۇكىل حالىق ءبىلدى عوي. ۆانەس تابان استىنان تاڭدالعان قارسىلاس بولدى. نەگە دەرەۆيانچەنكو ەمەس دەگەن دە سۇراق تۋىنداعان. بىراق كوبى جەكپە-جەك بەسىنشى راۋندقا تامان اياقتالادى دەپ كۇتتى. كۇتكەن ناتيجە مەرزىمىنەن بۇرىن جاسالدى. مارتيروسيان گەناعا اۋىر قارسىلاس بولدى دەپ ويلامايمىن. سەبەبى، ۆانەستىڭ دەڭگەيى قانداي، گەنناديدىڭ دەڭگەيى قانداي ەكەنىن وزدەرىڭىز دە بىلەسىزدەر.

– ەندى گولوۆكينگە كەلەسى قارسىلاس رەتىندە كىمدى تاڭداعانى دۇرىس؟

– تاڭداۋدى ماعان سالسا، ءبىرىنشى كەزەكتە دەرەۆيانچەنكومەن جۇدىرىقتاسىپ، ءوز تيتۋلىمدى قورعاپ قالار ەدىم. كەيىن الۆارەسپەن كەزدەسىپ، ەسەمدى قايتارار ەدىم. كەيىن عانا بيللي دجو سوندەرسپەن جەكپە-جەك وتكىزىپ، بارلىق بەلبەۋدى جيناپ، سونىمەن مانسابىمدى اياقتار ەدىم.

__________________________________________________________________________________________________________ nur.kz

پىكىرلەر