پاريج وليمپياداسىنىڭ قولا جۇلدەگەرى، ەكى دۇركىن الەم چەمپيونى نازىم قىزايباي بوكستان قازاقستان ايەلدەر قۇراماسىنىڭ كاپيتانى اتاندى، دەپ حابارلايدى «ادىرنا» ۇلتتىق پورتالى.
بوكستان قازاقستان ايەلدەر قۇراماسىنىڭ تۇركىستان وبلىسىنداعى وقۋ-جاتتىعۋ جيىنى اياسىندا، باپكەرلەر مەن بوكسشىلاردىڭ قاتىسۋىمەن جينالىس ءوتىپ، قۇراما كاپيتانى انىقتالدى. سپورتشىلاردىڭ باسىم كوپشىلىگىنىڭ داۋىسىمەن پاريج وليمپياداسىنىڭ قولا جۇلدەگەرى، ەكى دۇركىن الەم چەمپيونى نازىم قىزايباي بوكستان قازاقستان ايەلدەر قۇراماسىنىڭ كاپيتانى رەتىندە سايلاندى.
قازىرگى ۋاقىتتا بۇرىمدى بوكسشىلار ازيا چەمپيوناتىنا دايىندىق ۇستىندە. قۇرلىقتىق بىرىنشىلىك 30 قاراشا مەن 11 جەلتوقسان ارالىعىندا يوردانيادا وتەدى.
