– Búgingi tańda elimizde kóp boksshylar áýesqoıdan kásipqoıǵa kóptep aýysyp jatyr. Bul qazaq boksyna paıdaly ma?
– Árıne, qazaq boksy úshin paıdaly. Óıtkeni, osy arqyly álem qazaq boksyn túbinen tanı bastaıdy. Gennadıı Golovkınniń ózin alaıyq. Qanat Islam men Beıbit Shúmenov bar. Osy úsh jigittiń arqasynda Qazaqstandy qazir ekonomıkalyq nemese jas memleket qana emes, sport memleketi retinde tanı bastady.
Qazir álemniń qaı jerine barsań da, osy úsh jigittiń atyn atasań, tanyp jatady. Jas boksshylarymyz da erteń barǵan jerinen jeńiske jetip jatsa, nur ústine nur ǵoı.
Olar elimizdiń tanylýyna úlken úles qosyp jatyr.
– Golovkınniń sońǵy jekpe-jegine toqtalsaq. Vanes Martırosıanǵa qarsy jekpe-jek týraly oıyńyz...
– Bul jekpe-jektiń qalaı aıaqtalatynyn búkil halyq bildi ǵoı. Vanes taban astynan tańdalǵan qarsylas boldy. Nege Derevıanchenko emes degen de suraq týyndaǵan. Biraq kóbi jekpe-jek besinshi raýndqa taman aıaqtalady dep kútti. Kútken nátıje merziminen buryn jasaldy. Martırosıan Genaǵa aýyr qarsylas boldy dep oılamaımyn. Sebebi, Vanestiń deńgeıi qandaı, Gennadııdiń deńgeıi qandaı ekenin ózderińiz de bilesizder.
– Endi Golovkınge kelesi qarsylas retinde kimdi tańdaǵany durys?
– Tańdaýdy maǵan salsa, birinshi kezekte Derevıanchenkomen judyryqtasyp, óz tıtýlymdy qorǵap qalar edim. Keıin Alvarespen kezdesip, esemdi qaıtarar edim. Keıin ǵana Bıllı Djo Sonderspen jekpe-jek ótkizip, barlyq belbeýdi jınap, sonymen mansabymdy aıaqtar edim.
__________________________________________________________________________________________________________ nur.kz
