توقاەۆ بوتانيكالىق باقتا كوشەت وتىرعىزدى

611
فوتو: اقوردا سايتىنان
فوتو: اقوردا سايتىنان

بۇگىن مەملەكەت باسشىسى «بىرگە – تازا قازاقستان» رەسپۋبليكالىق ەكولوگيالىق اكتسياسىنىڭ اياسىندا بوتانيكالىق باقتا كوشەت وتىرعىزىپ، قالالىق سەنبىلىككە قاتىستى. بۇل تۋرالى اقوردا سايتى جاريالادى، دەپ حابارلايدى “ادىرنا” ۇلتتىق پورتالى.

ءىس-شاراعا پرەزيدەنت اكىمشىلىگىنىڭ باسشىسى مۇرات نۇرتىلەۋ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، نۇر-سۇلتان قالاسىنىڭ اكىمى التاي كولگىنوۆ، ەكو-ۆولونتەرلەر، سونداي-اق، پرەزيدەنتتىك جاستار كادرلىق رەزەرۆىنىڭ مۇشەلەرى قاتىستى.

سەنبىلىك بارىسىندا پرەزيدەنت ەكوۆولونتەرلەرمەن جانە جاستار كادرلىق رەزەرۆىنىڭ مۇشەلەرىمەن اڭگىمەلەستى. قاسىم-جومارت توقاەۆ تابيعاتقا، جالپى ەكولوگياعا ۇقىپتى قاراۋدىڭ ماڭىزدىلىعى تۋرالى ايتتى.

مەملەكەت باسشىسى قازاقستان بولاشاقتا جاسىل ەلگە اينالۋى كەرەك دەپ سانايدى.

«تال دەگەنىمىز – قاسيەتتى ۇعىم. ءبىز تال-تەرەكتەردى، تابيعاتتى قورعاۋىمىز كەرەك»، – دەدى پرەزيدەنت.

“بارشاڭىزعا العىس ايتامىن. سىزدەر قازاقستاننىڭ بولاشاعىسىزدار. جاڭا قازاقستاندى ەل بولىپ، ۇلت بولىپ، مەملەكەت بولىپ، ءبارىمىز بىرگە قۇرۋعا كىرىسۋىمىز قاجەت. امانشىلىق بولسا، ەكىنشى رەسپۋبليكانى وركەندەتەمىز. جالپى كەلەشەگىمىز جاقسى، ايقىن، جارقىن بولاتىنىنا ەشقانداي كۇمانىم جوق. مەملەكەتىمىزدىڭ بولاشاعى جاستاردىڭ قولىندا. مەن سىزدەرگە سەنەمىن”، – دەدى قاسىم-جومارت توقاەۆ.

ەرىكتىلەر مەن پرەزيدەنتتىك جاستار كادرلىق رەزەرۆىنىڭ مۇشەلەرى ەكولوگيالىق ماسەلەلەر مەن باستامالارعا ۇنەمى قولداۋ بىلدىرەتىنى ءۇشىن مەملەكەت باسشىسىنا العىس ايتتى.

اكتسياعا قاتىسقاندار 15 ءتۇپ جوكە جانە 35 ءتۇپ ەمەن كوشەتىن ەكتى.

ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket