Búgin Memleket basshysy «Birge – taza Qazaqstan» respýblıkalyq ekologııalyq akııasynyń aıasynda Botanıkalyq baqta kóshet otyrǵyzyp, qalalyq senbilikke qatysty. Bul týraly Aqorda saıty jarııalady, dep habarlaıdy “Adyrna” ulttyq portaly.
Is-sharaǵa Prezıdent Ákimshiliginiń basshysy Murat Nurtileý, Ekologııa, geologııa jáne tabıǵı resýrstar mınıstri Serikqalı Brekeshev, Nur-Sultan qalasynyń ákimi Altaı Kólginov, eko-volonterler, sondaı-aq, Prezıdenttik jastar kadrlyq rezerviniń músheleri qatysty.
.jpg)
Senbilik barysynda Prezıdent ekovolonterlermen jáne jastar kadrlyq rezerviniń múshelerimen áńgimelesti. Qasym-Jomart Toqaev tabıǵatqa, jalpy ekologııaǵa uqypty qaraýdyń mańyzdylyǵy týraly aıtty.
Memleket basshysy Qazaqstan bolashaqta jasyl elge aınalýy kerek dep sanaıdy.
«Tal degenimiz – qasıetti uǵym. Biz tal-terekterdi, tabıǵatty qorǵaýymyz kerek», – dedi Prezıdent.
“Barshańyzǵa alǵys aıtamyn. Sizder Qazaqstannyń bolashaǵysyzdar. Jańa Qazaqstandy el bolyp, ult bolyp, memleket bolyp, bárimiz birge qurýǵa kirisýimiz qajet. Amanshylyq bolsa, Ekinshi respýblıkany órkendetemiz. Jalpy keleshegimiz jaqsy, aıqyn, jarqyn bolatynyna eshqandaı kúmánim joq. Memleketimizdiń bolashaǵy jastardyń qolynda. Men sizderge senemin”, – dedi Qasym-Jomart Toqaev.
Eriktiler men Prezıdenttik jastar kadrlyq rezerviniń músheleri ekologııalyq máseleler men bastamalarǵa únemi qoldaý bildiretini úshin Memleket basshysyna alǵys aıtty.
Akııaǵa qatysqandar 15 túp jóke jáne 35 túp emen kóshetin ekti.
”Adyrna” ulttyq portaly
