تانىمال قازاقستاندىق پروديۋسەر بايان ماقساتقىزىنىڭ بۇرىنعى جۇبايى باقىتبەك ەسەنتاەۆ سوتتان جازاسىن جەڭىلدەتۋدى سۇرادى. بۇل تۋرالى Tengrinews.kz ءتىلشىسىنىڭ رەسمي ساۋالىنا الماتى وبلىستىق سوتى داكار بەردى حابارلايدى، “ادىرنا” ۇلتتىق پورتالى.
باقىتبەك ەسەنتاەۆ قاپشاعاي ماڭىنداعى زارەچنىي اۋىلىنداعى قاتاڭ رەجيمدەگى ەرلەر كولونياسىندا جاتىر. بۇل اسا اۋىر قىلمىس جاساعان ادامدار جازاسىن وتەپ جاتقان ەڭ جوعارى قاۋىپسىزدىك مەكەمەسى. بايان ماقساتقىزىنىڭ بۇرىنعى جۇبايى وسىدان ەكى جىل بۇرىن جازاسىن جەڭىلدەتۋدى سۇراعانى تاياۋدا عانا بەلگىلى بولدى.
"2020 جىلى سوتتالعان باقىتبەك ەسەنتاەۆ وعان قاتىستى قىلمىستىق كودەكستىڭ 6-بابىن قولدانۋ تۋرالى، ياعني "جازانى وتەۋدى جەڭىلدەتۋ تۋرالى" ءوتىنىش بەردى. الايدا سول جىلدىڭ 6 ساۋىرىندە قاپشاعاي قالالىق سوتى بۇل ءوتىنىشتى قاناعاتتاندىرۋدان باس تارتتى", - دەپ حابارلادى الماتى وبلىستىق سوتىنىڭ وكىلدەرى.
باقىتبەك ەسەنتاەۆ ونى ورتاشا نەمەسە ەڭ تومەنگى قاۋىپسىزدىك مەكەمەسىنە اۋىستىرۋدى سۇراعان بولۋى كەرەك.
ايتا كەتسەك، باقىتبەك ەسەنتاەۆ 2016 جىلدىڭ قاراشاسىندا سوتتالعان بولاتىن. ول ايەلىنە قاتىستى "ادام ءولتىرۋ ارەكەتى" ءۇشىن كىنالى دەپ تانىلدى.
”ادىرنا” ۇلتتىق پورتالى
