تانىمال پروديۋسەر زورلىق-زومبىلىققا ۇشىراعان ايەلدەر مەن بالالارعا ارناپ وڭالتۋ ورتالىعىن اشىپ جاتىر, دەپ حابارلايدى "ادىرنا" ءتىلشىسى El.kz اقپارات اگەنتتىگىنە سىلتەپ.
اكتريسا، پروديۋسەر بايان ماقساتقىزى وڭالتۋ ورتالىعىنىڭ دايىن ەكەنىن ايتتى.
"زورلىق-زومبىلىققا ۇشىراعان ايەلدەر مەن بالالارعا ارنالعان وڭالتۋ ورتالىعىن اشاتىنىمدى كوپتەن بەرى ايتىپ ءجۇرمىن. ورتالىق دايىن! جاقىندا جۇمىسىن باستايدى. قوعامدى زورلىققا قارسىلىق كورسەتۋگە جەتەلەۋ ءۇشىن بارلىق كۇش-جىگەردى جۇمساۋ كەرەك. ءبىز قۇتقارۋعا ەمەس، باقىتتى وتباسىعا ورتالىق اشۋىمىز كەرەك. ورتالىق ۇلكەن، جارقىن، جايلى، جۇزگە جۋىق ايەلدى قابىلداۋعا دايىن. بىزدە جەتەكشى ماماندار، ياعني ەڭ جاقسى پسيحولوگتار، زاڭگەرلەر، مەديتسينا قىزمەتكەرلەرى، تاربيەشىلەر، وقىتۋشىلار جۇمىس ىستەيدى. بارلىق ايەلدى قالاي قۇتقارۋعا بولادى؟ بىلمەيمىن، بۇل مۇمكىن ەمەس شىعار. بۇل ماسەلەگە قاتىستى قوعامنىڭ ويى مەن كوزقاراسىن وزگەرتۋگە بولادى. زورلىق-زومبىلىققا جول جوق", - دەدى ول.
ايتا كەتەيىك، بايان ماقساتقىزى دا بۇرىنعى كۇيەۋىنەن زورلىققا ۇشىراپ، دەنساۋلىعىنا زاقىم كەلتىرگەن.
