كوكشەتاۋدا 12 جاستاعى وقۋشىنىڭ يىعىنا مانتۋدىڭ ورنىنا ۆاكتسينا سالىپ جىبەرگەن، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.
وسى ماقساتتا ارنايى كوميسسيا قۇرىلعان.
جانجالدى وقيعا 15 ساۋىردە كوكشەتاۋدا بولعان. مەكتەپ وقۋشىسىن مانتۋ سىناماسىنا ەمحاناعا شاقىردى. بىراق بىلەكتىڭ ورتاڭعى بولىگىنىڭ ورنىنا ينەكتسيا يىققا جاسالعان. قىزدىڭ قىزۋى كوتەرىلىپ، اناسى حابار بەرگەن. اناسى جاسوسپىرىمگە كوروناۆيرۋسقا قارسى ەكپە سالدى دەپ وتىر. وسىدان سوڭ وبلىس دەنساۋلىق ساقتاۋ باسقارماسى بالانىڭ جاي-كۇيىن باقىلاۋعا الدى. قازىرگى ۋاقىتتا بالانىڭ جاعدايى قاناعاتتانارلىق.
سونداي-اق، ۆەدومستۆو باسشىسى جەرگىلىكتى ەمحانالاردىڭ بارلىق پروتسەدۋرالىق كابينەتتەرىن تەكسەرەتىن ارنايى كوميسسيا بەكىتىلگەنىن حابارلادى.
كوميسسيا قۇرامىنا دەنساۋلىق ساقتاۋ باسقارماسىنىڭ، مەديتسينالىق فارماتسەۆتيكالىق باقىلاۋ، سونداي-اق سانيتاريالىق-ەپيدەميولوگيالىق باقىلاۋ كوميتەتىنىڭ دەپارتامەنتتەرىنىڭ وكىلدەرى كىردى.
"كوميسسيا “تۋبەركۋلين" بالالارعا ارنالعان ۆاكتسينانىڭ كورىنەتىن جەردە توڭازىتقىشتا ساقتالاتىنىن انىقتادى. بالاعا باسقا ۆاكتسينا ەنگىزىلگەنى راستالمادى", – دەدى اقمولا وبلىسى دەنساۋلىق ساقتاۋ باسقارماسىنىڭ باسشىسى ناريمان سىزدىقوۆ.
سونداي-اق، اقمولا وبلىسىنىڭ باس دارىگەرى مەكتەپ وقۋشىسىنا مانتۋ سىناماسىن جاساعان مەدبيكە قىزمەتتىك تەرگەۋ جۇرگىزۋ كەزىندە جۇمىستان شەتتەتىلگەنىن حابارلادى.
“ادىرنا” ۇلتتىق پورتالى
