ۋكراينا پرەزيدەنتى ۆلاديمير زەلەنسكي CNN ارناسىنا بەرگەن سۇحباتىندا رەسەيمەن اراداعى كەلىسسوزدەردى ويداعىداي جۇرگىزۋ مۇمكىندىگى كۇن سايىن ازايىپ بارا جاتقانىن، قاجەت بولعان جاعدايدا ۋكراينا «رەسەي فەدەراتسياسىمەن ون جىل بويى سوعىسا الاتىنىن» ايتتى. بۇل تۋرالى "ادىرنا" ۇلتتىق پورتالى جازادى.
"مۇمكىندىكتەر كۇن سايىن ازايىپ بارادى. بۋچا، ۆولنوۆاحا، بوروديانكا، ماريۋپول تۋرالى ويلانىڭىز. ەشكىم سويلەگىسى كەلمەيتىن ۋاقىت جاقىنداپ كەلەدى. ءبىزدىڭ قوعام كەلىسسوزدەردى جالعاستىرعانىمىزدى قالامايدى", - دەدى پرەزيدەنت.
سونىمەن بىرگە، زەلەنسكي سوعىس شەكسىز بولماس ءۇشىن قولدان كەلگەننىڭ ءبارىن جاساۋ كەرەك دەپ قوستى، ويتكەنى ول نەعۇرلىم ۇزاق جالعاسسا، سوعۇرلىم ۋكرايندار كوپ جوعالتادى. ەگەر رەسەيمەن سويلەسۋ مۇمكىندىگى بولسا، وندا ۋكراينا سويلەيتىن بولادى، بىراق رەسەيلىك ۋلتيماتۋم نەگىزىندە ەمەس.
سونداي-اق، پرەزيدەنت كيەۆ رەسەيمەن سوعىستى توقتاتۋ ءۇشىن دونباسستان باس تارتپايتىنىن اتاپ ءوتتى. ۋكراينانىڭ شىعىسىنداعى شايقاس سوعىستىڭ ودان ءارى دامۋىنا اسەر ەتپەك.
"ادىرنا" ۇلتتىق پورتالى
