Ýkraına prezıdenti Vladımır Zelenskıı CNN arnasyna bergen suhbatynda Reseımen aradaǵy kelissózderdi oıdaǵydaı júrgizý múmkindigi kún saıyn azaıyp bara jatqanyn, qajet bolǵan jaǵdaıda Ýkraına «Reseı Federaııasymen on jyl boıy soǵysa alatynyn» aıtty. Bul týraly "Adyrna" ulttyq portaly jazady.
"Múmkindikter kún saıyn azaıyp barady. Býcha, Volnovaha, Borodıanka, Marıýpol týraly oılanyńyz. Eshkim sóılegisi kelmeıtin ýaqyt jaqyndap keledi. Bizdiń qoǵam kelissózderdi jalǵastyrǵanymyzdy qalamaıdy", - dedi prezıdent.
Sonymen birge, Zelenskıı soǵys sheksiz bolmas úshin qoldan kelgenniń bárin jasaý kerek dep qosty, óıtkeni ol neǵurlym uzaq jalǵassa, soǵurlym ýkraındar kóp joǵaltady. Eger Reseımen sóılesý múmkindigi bolsa, onda Ýkraına sóıleıtin bolady, biraq reseılik ýltımatým negizinde emes.
Sondaı-aq, prezıdent Kıev Reseımen soǵysty toqtatý úshin Donbasstan bas tartpaıtynyn atap ótti. Ýkraınanyń shyǵysyndaǵy shaıqas soǵystyń odan ári damýyna áser etpek.
"Adyrna" ulttyq portaly
