رەسەيدىڭ سىرتقى ىستەر ءمينيسترى سەرگەي لاۆروۆ استاناعا كەلدى، دەپ حابارلايدى "ادىرنا" ۇلتتىق پورتالى.
تاسس مالىمەتىنشە، بۇگىن پرەمەر-ءمينيستردىڭ ورىنباسارى – قازاقستاننىڭ سىرتقى ىستەر ءمينيسترى مۇرات نۇرتىلەۋ مەن رەسەيدىڭ سىرتقى ىستەر ءمينيسترلى كەلىسسوزدەر وتكىزەدى.
رەسەيدىڭ سىرتقى ىستەر ءمينيسترىنىڭ ەكى كۇندىك جۇمىس ساپارى 6–7 قاراشا ارالىعىندا وتەدى. كەلىسسوزدەردەن بولەك، لاۆروۆ استاناداعى جوعارعى وقۋ ورىندارىنىڭ بىرىندە پروفەسسورلار مەن ستۋدەنتتەرمەن كەزدەسەدى دەپ جوسپارلانعان.
بۇعان دەيىن رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا ەكى ەلدىڭ سىرتقى ىستەر ۆەدومستۆولارى باسشىلارىنىڭ كەلىسسوزدەرىندە رەسەي پرەزيدەنتىنىڭ قازاقستانعا مەملەكەتتىك ساپارىنا دايىندىق ماسەلەلەرىنە ەرەكشە نازار اۋدارىلاتىنىن حابارلاعان.
"ارينە، ەاەو، ۇقشۇ، تمد جانە شىۇ سەكىلدى ورتاق ينتەگراتسيالىق الاڭداردا ءوزارا ءىس-قيمىل ماسەلەلەرى بويىنشا پىكىر الماسۋ بولادى", — دەپ مالىمدەدى رەسەيلىك ديپلومات.
