رەسەيدە ناۋرىز ايىنان بەرى جۇمىس ىزدەۋگە ارنالعان HeadHunter جانە SuperJob سايتتارىندا كەلىسىم-شارتپەن اسكەري قىزمەتكە شاقىراتىن مىڭداعان حابارلاندىرۋ پايدا بولعان. بۇل تۋرالى ۆۆس رەسەي اتالعان حابارلاندىرۋلار ارقىلى ۋكرايناداعى سوعىسقا ادام ىزدەپ جاتقانىن انىقتاعانىن جاريالادى، دەپ حابارلايدى “ادىرنا” ۇلتتىق پورتالى.
رەسەي پرەزيدەنتى ۆلاديمير پۋتين ۋكراينادا سوعىسىپ جاتقان اسكەرى كاسىبي جاۋىنگەرلەردەن جانە كەلىسىم-شارتپەن قىزمەت ەتۋشىلەردەن تۇراتىنىن الدەنەشە رەت ايتقان. باستاپقىدا سوعىستا اسكەرىنىڭ قازا تاۋىپ جاتقانى تۋرالى جاق اشپاعان كرەمل سوڭعى ۋاقىتتا اسكەرى وراسان شىعىنعا ۇشىراعانىن مويىندادى.
«ءبىز كوپتەگەن اسكەرىمىزدەن ايىرىلدىق، بۇل – ءبىز ءۇشىن ۇلكەن تراگەديا» دەگەن بولاتىن پرەزيدەنتتىڭ ءباسپاسوز حاتشىسى دميتري پەسكوۆ Sky News تەلەارناسىنا بەرگەن سۇحبات بارىسىندا.
اتى-ءجونىن جاسىرۋدى قۇپ كورگەن ەكسپەرت ۆۆس-گە رەسەيدە ادەتتە كەلىسىم-شارتپەن قىزمەت ەتەتىن اسكەريلەردى ينتەرنەتتەگى حابارلاندىرۋ ارقىلى ەمەس، اسكەري كوميسسارياتتار ارقىلى الاتىنىن ايتقان. ونىڭ ءسوزىن HeadHunter سايتىنداعى دەرەكتەر دە راستايدى. سايتتاعى اسكەري قىزمەت تۋرالى 3 مىڭ حابارلاندىرۋدىڭ تۇگەلى سوڭعى ايدا جاريالانعان. الايدا سايت وكىلدەرى مۇنداي ۆاكانتسيالار سايتتا بۇرىن دا جاريالانعانىن ءمالىم ەتكەن. الايلا ولاردىڭ سانى قازىرگىدەن ەداۋىر از.
سونداي-اق، Superjob سايتىندا دا ءبىر اپتادا اسكەري قىزمەتكە شاقىرعان 18 مىڭنان استام حابارلاندىرۋ شىققان. قورعانىس مينيسترلىگىنە قاتىسى بار سايتتا وسىعان ۇقساس 500 ۆاكانسيا جاريالانعان.
”ادىرنا” ۇلتتىق پورتالى
