Reseıde naýryz aıynan beri jumys izdeýge arnalǵan HeadHunter jáne SuperJob saıttarynda kelisim-shartpen áskerı qyzmetke shaqyratyn myńdaǵan habarlandyrý paıda bolǵan. Bul týraly VVS Reseı atalǵan habarlandyrýlar arqyly Ýkraınadaǵy soǵysqa adam izdep jatqanyn anyqtaǵanyn jarııalady, dep habarlaıdy “Adyrna” ulttyq portaly.
Reseı prezıdenti Vladımır Pýtın Ýkraınada soǵysyp jatqan áskeri kásibı jaýyngerlerden jáne kelisim-shartpen qyzmet etýshilerden turatynyn áldeneshe ret aıtqan. Bastapqyda soǵysta áskeriniń qaza taýyp jatqany týraly jaq ashpaǵan Kreml sońǵy ýaqytta áskeri orasan shyǵynǵa ushyraǵanyn moıyndady.
«Biz kóptegen áskerimizden aıyryldyq, bul – biz úshin úlken tragedııa» degen bolatyn Prezıdenttiń baspasóz hatshysy Dmıtrıı Peskov Sky News telearnasyna bergen suhbat barysynda.
Aty-jónin jasyrýdy qup kórgen ekspert VVS-ge Reseıde ádette kelisim-shartpen qyzmet etetin áskerılerdi ınternettegi habarlandyrý arqyly emes, áskerı komıssarıattar arqyly alatynyn aıtqan. Onyń sózin HeadHunter saıtyndaǵy derekter de rastaıdy. Saıttaǵy áskerı qyzmet týraly 3 myń habarlandyrýdyń túgeli sońǵy aıda jarııalanǵan. Alaıda saıt ókilderi mundaı vakanııalar saıtta buryn da jarııalanǵanyn málim etken. Alaıla olardyń sany qazirgiden edáýir az.
Sondaı-aq, Superjob saıtynda da bir aptada áskerı qyzmetke shaqyrǵan 18 myńnan astam habarlandyrý shyqqan. Qorǵanys mınıstrligine qatysy bar saıtta osyǵan uqsas 500 vakansııa jarııalanǵan.
”Adyrna” ulttyq portaly
