بىشكەك بيلىگى «مۇمكىن بولاتىن جاپپاي تارتىپسىزدىكتەردىڭ الدىن الۋ جانە جولىن كەسۋ ءۇشىن» مەملەكەتتىك مەكەمەلەردىڭ، رەسەي ەلشىلىگىنىڭ جانىندا جانە ورتالىق الاڭدا ميتينگىلەر وتكىزۋگە تىيىم سالدى، دەپ حابارلايدى “ادىرنا” ۇلتتىق پورتالى.
بيلىك جۇگىنگەن سوت بۇل تىيىم سالۋدى زاڭدى دەپ تانىدى.
شەشىمگە سايكەس، 13 ءساۋىر مەن 1 قىركۇيەك ارالىعىندا بىشكەكتە قىرعىزستان رەسپۋبليكاسى جوگوركۋ كەنەشىنىڭ، رەسەي فەدەراتسياسىنىڭ ەلشىلىگىنىڭ عيماراتتارىنىڭ جانىندا، الا-توو الاڭىندا، قىرعىزستان پرەزيدەنتى اكىمشىلىگى مەن مەملەكەتتىك ورگانداردىڭ جانىندا نارازىلىق شەرۋلەرىن وتكىزۋگە تىيىم سالىندى. قىرعىزستان استاناسىنىڭ بيلىگى ميتينگىلەر ءۇشىن ماكسيم گوركي اتىنداعى الاڭدى بەلگىلەدى.
“ادىرنا” ۇلتتىق پورتالى.
