ۋكراينانى قاي ەلدەر قامتاماسىز ەتىپ جاتىر؟

4408
Adyrna.kz Telegram
فوتو: qazaly.kz
فوتو: qazaly.kz

ۋكراينا مەن رەسەي اراسىنداعى سوعىستىڭ جالعاسىپ جاتقانىنا از ۋاقىت بولعان جوق. ادام شىعىنى، قيراتىلعان قالا، جارالى اسكەريلەر، وسىنىڭ بارلىعى ءتۇرلى رەپورتاجداردان كورىنىس تاۋىپ جاتىر. بۇل رەتتە قاندى قىرعىن باستالعالى الەمنىڭ تۇكپىر-تۇكپىرىنەن قارۋ-جاراقتار مەن وق-دارىلەر جەتكىزىلۋدە. Kznews.kz سايتىنىڭ ءتىلشىسى ۋكراينا مەملەكەتىنىڭ قورعانىس قابىلەتى مەن اسكەري-تەحنيكاسىنا شولۋ جاسادى.

اقش ۋكرايناعا قاڭتار ايىندا قالاي كومەكتەستى؟

قاڭتار ايىنىڭ باسىندا ۋكرايناعا شامامەن 200 ميلليون دوللار تۇراتىن قارۋ-جاراق جونەلتىلگەن. كەيىن اقش ۋكرايناعا اسكەري-تەحنيكانىڭ ەكى پارتياسىن جەتكىزىپ ۇلگەردى.
مەملەكەتتىك دەپارتامەنتتىڭ مالىمەتىنشە، بۇل ولىمگە اكەلەتىن وتە قاۋىپتى قارۋ-جاراق پەن وق-دارىلەر ەكەن. قارۋ-جاراق تىزىمدەرى ءالى كۇنگە دەيىن رەسمي تۇردە جاريالانعان جوق. دەگەنمەن BBC اقپاراتتىق اگەنتتىگى دايىنداعان ارنايى فوتورەپورتاجدا اقش ۋكرايناعا قارۋ-جاراق جونەلتىلگەن كادرلارى ايدان انىق كورسەتىلگەن.

ولاردىڭ اراسىندا 2018 جىلى كيەۆكە بەرىلگەن «Javelin» تانكىسىنە قارسى زىمىراندار بار.  سونىمەن قاتار، ءباسپاسوز جانە الەۋمەتتىك جەلى قولدانۋشىلارى فوتوسۋرەتتەن كۇشەيتىلگەن تابلەتكالار مەن بۋنكەرلەرمەن كۇرەسۋگە ارنالعان SMAW-D گراناتومەتتەرىن بايقادى.

«ەكىنشى قۇس كيەۆتە! ۋكراينانىڭ قورعانىس قابىلەتىن كۇشەيتۋ ءۇشىن امەريكاندىق دوستارىمىزدان 80 توننادان استام قارۋ-جاراق جىبەردىك. بۇل سوڭعىسى ەمەس»، — دەپ جازدى مينيستر Twitter پاراقشاسىندا.

ول قارۋ-جاراق اكەلگەن Boeing 747 جۇك ۇشاعىنىڭ سۋرەتىن قوسا جۇكتەلدى. ونىڭ ىشىندە رەسەيگە تويتارىىس بەرەتىن Javelin زىمىراندارى بار.

http://mil.in.ua

ۋكراينا اقش-تان قانداي كومەك سۇرادى؟

بۇدان بۇرىن حابارلانعانداي، ۋكراينا اقش-تان اۋە شابۋىلىنا قارسى قورعانىس جۇيەلەرىن، Javelin تانكىسىنە قارسى زىمىراندار، ەلەكتروندى سوعىس تەحنيكاسى، راديولوكاتسيالىق جۇيەلەر، مودەرنيزاتسيالانعان ارتيللەريالىق وق-دارىلەر مەن ءدارى-دارمەك سۇراعان ەدى.

اقش ۋكرايناعا قاي ۋاقىتتان باستاپ اسكەري-تەحنيكالىق كومەك كورسەتىپ كەلەدى؟

اقش پرەزيدەنتى دونالد ترامپ 2017 جىلدىڭ جەلتوقسانىندا ۋكرايناعا قاۋىپتى قارۋ-جاراق جەتكىزۋگە رۇقسات بەردى: ول كەزدە كەلىسىم بويىنشا، جالپى سوماسى 41,5 ميلليون دوللارعا سنايپەرلىك جۇيەلەر، وق-دارىلەر مەن قوسالقى بولشەكتەر كىرگەن ەدى.

اقش كونگرەسى 2014 جىلى ۋكراينانىڭ ەركىندىگىن قولداۋ اكتىسىن قابىلداۋ ارقىلى مۇنداي بايلانىسقا رۇقسات بەردى.  قوسىمشا كومەكتىڭ اعىمداعى پاكەتى جەلتوقسان ايىندا دايىندالدى.

جالپى، 2014 جىلدان بەرى اقش ۋكرايناعا 2,5 ميلليون دوللاردان استام اسكەري كومەك كورسەتكەن. ول تەك قارۋ-جاراقپەن قامتاماسىز ەتۋدى عانا ەمەس، سونىمەن قاتار ۋكراينا قارۋلى كۇشتەرىن وقىتۋدى دا قامتىدى.

اقش ۋكرايناعا كومەك كورسەتۋگە رۇقسات ەتكەن مەملەكەتتەر
بۇعان قوسا، 21 قاڭتاردا اقش ەستونيا، ليتۆا جانە لاتۆيا مەملەكەتتەرىنە ۋكرايناعا امەريكاندىق قارۋ-جاراق جەتكىزۋگە رەسمي تۇردە رۇقسات بەردى.  ەستونيا بىرقاتار تانككە قارسى Javelin جۇيەلەرىن، ال ليتۆا مەن لاتۆيا ۋكرايناعا Stinger ادام تاسىمالدايتىن اۋە قورعانىس جۇيەلەرىن جەتكىزگەن.

http://Warbook.club

الايدا ەستونيادان جەتكىزىلۋى كەرەك قارۋ-جاراقتارعا، اسىرەسە كەڭەستىك D-30 سۇيرەتكىش گاۋبيتسالارىن جەتكىزۋگە گەرمانيا توسقاۋىل قويدى. ول الدىمەن گدر-عا تيەسىلى بولىپ، كەيىن فينلياندياعا بەرىلگەن، بىراق كەيىن، بەلگىسىز جاعدايدا، ەستونيادان تابىلعان. بۇل ارتيللەريالىق جۇيەلەردى جەتكىزۋ ءۇشىن حەلسينكي مەن بەرلين رۇقسات بەرۋى كەرەك، بىراق نەمىس بيلىگى ءالى كەلىسىمىن بەرگەن جوق. الايدا سوعىستىڭ ورشۋىنە بايلانىستى، اقپان ايىندا  گەرمانيا ۋكرايناعا 500 «ستينگەر» زىمىراندارى مەن 1000 تانككە قارسى «پانزەرفاۋست» گراناتومەتتەرىن جەتكىزدى.

بىرىككەن كورولدىك ءوز تاراپىنان ۋكرايناعا NLAW ءبىر رەتتىك ءپورتاتيۆتى تانككە قارسى جۇيەلەرىن بەردى.  بۇل بريتاندىق قارۋدىڭ ۋكرايناعا ءبىرىنشى جەتكىزىلۋى بولدى. ەكى ەل اراسىنداعى اسكەري-تەحنيكالىق ىنتىماقتاستىق بىرنەشە جىلدان بەرى جالعاسىپ كەلەدى.

2021 جىلدىڭ جازىندا لوندون مەن كيەۆ زىمىراندىق قايىقتاردى بىرلەسىپ جاساۋعا كەلىستى.  سونداي-اق ۇلىبريتانيا كورولدىگى اسكەري-تەڭىز كۇشتەرىنەن شىعارىلعان ەكى مينا تاسۋشى كەمەسىن ۋكرايناعا جەتكىزدى. ولار الداعى ۋاقىتتا جاڭارتىلاتىن بولادى. 2015 جىلدان بەرى ۇلىبريتانيا  21 000 ۋكراينانىڭ اسكەري ادامدارىن وقىتقان.

ۇلىبريتانيا ۋكراينانى سوڭعى ۇلگىدەگى قارۋ-جاراقپەن قامتاماسىز ەتتى. ول — 50 مم گراناتامەتى بار  تانكىگە قارسى ەڭ ۇزدىك «NLAW» اتاۋىمەن تانىمال قۇرال. ول رەسەيلىك تانكتەردىڭ كەز كەلگەن ءتۇرىن جوياتىن ەڭ مىقتى قارۋ بولىپ سانالادى. ونى ششۆەتسيا مەن ۇلىبريتانيا بىرىگىپ جاساعان.

http://newizv.ru

3 اقپاندا تۇركيانىڭ «بايراكتار» دروندارى ۋكراينادا شىعارىلاتىنى تۋرالى كەلىسىم جاسالعان ەدى. بۇل تۇركيا دەلەگاتسياسىنىڭ كيەۆكە ءىس-ساپارى كەزىندە جوسپارلاندى. ال ءساۋىر ايىندا اۆستراليا ۇكىمەتى ۋكرايناعا سىيعا تارتقان العاشقى 20 «Bushmaster» بروندى كولىگى ەۋروپا اۋەجايلارىنىڭ بىرىنە جەتكىزىلدى.

http://gazeta.ru

http://Rbc.ru

ەو ۋكرايناعا قالاي كومەكتەسەدى؟
ەۋروپالىق وداق ۇيىم بولعاندىقتان، ولاردا ايتايلىقتاي قارۋ نەمەسە وق-دارىلەر جوق.  بىراق ەو-عا مۇشە ەلدەردە كەرەكتىنىڭ ءبارى ساقتالعان.

مۇنىڭ پراكتيكالىق ءمانى دە، ماڭىزى دا زور.  كومەك ەو-نىڭ بارلىق 27 مەملەكەتى اتىنان كورسەتىلەدى.  ولاردىڭ كوپشىلىگى ۋكراينا قارۋلى كۇشتەرىنە قارۋ-جاراقتاردى بىرىنەن سوڭ ءبىرى تاپسىرىپ ۇلگەرگەن. ەگەر وسى مەملەكەتتەردىڭ بىرىندە قارجى تاپشىلىعىنا بايلانىستى ماسەلەلەر تۋىنداسا، وندا وداق بارىنشا كومەك قولىن سوزادى. بوررەل ەۋرووداق ەلدەرى ۋكرايناعا ەكىجاقتى كومەكتى كۇشەيتۋگە نيەتتى ەكەنىن ايتتى.

ەو ۋكرايناعا قانداي قارۋدى جەتكىزەدى؟
ەۋرووداق ۋكراينا قارۋلى كۇشتەرىن بارلىق قاجەت قارۋ-جاراقپەن قامتاماسىز ەتەدى.  وسى ماقساتتا بريۋسسەلدە جەكە ۇيلەستىرۋ ورتالىعى قۇرىلدى.  ونىڭ مىندەتى ۋكراينانىڭ قاجەتتىلىكتەرى مەن ەو ەلدەرىنىڭ مۇمكىندىكتەرىن سالىستىرىپ، كۇش-جىگەرىن بىرىكتىرۋمەن اينالىسادى.

جوزەپ بوررەلل «بارلىق كاليبردەگى» جۇيەلەردى، تانككە قارسى قارۋلاردى، سناريادتار مەن پاترونداردى، سونداي-اق ۇشاقتاردى جىبەردى.

«ءبىز ءتىپتى جويعىش ۇشاقتاردى دا بەرەمىز»، — دەدى ەۋروپالىق ديپلوماتيانىڭ باسشىسى.

ونىڭ ايتۋىنشا، ۋكراينا سىرتقى ىستەر ءمينيسترى دميتري كۋلەبا ونى وزدەرى سۇراعان.

ەو-دان قانشا اقشا قارجى ءبولىندى؟
ەو 50 ميلليون دوللار بولگەن. بۇل بيۋدجەت ايتارلىقتاي زيانى جوق برون، دۋلىعا، سونداي-اق تانكتەر مەن ۇشاقتارعا ارنالعان جانارمايلارعا جۇمسالادى.

ەۋرووداقتىڭ ۋكراينا قارۋلى كۇشتەرى ءۇشىن قارۋ-جاراقپەن قارجىلاندىرۋ تۋرالى شەشىمى 28 اقپاندا كۇشىنە ەندى.  زاڭدى تۇردە ول 24 اي بويى جارامدى، بىراق بريۋسسەل ۋكراينا قارۋلى كۇشتەرىنە كومەكتى مۇمكىندىگىنشە ەرتە جىبەرۋگە تىرىستى. بۇل ءۇشىن ولار ءتىپتى وسى جىلدىڭ 1 قاڭتارىنان باستاپ ەو مەملەكەتتەرى ۇسىنىپ وتىرعان كومەكتى قارجىلاندىرۋ ماقساتىندا EPF-نى رەترواكتيۆتى پايدالانۋعا رۇقسات بەردى.

ەو ەلدەرى ۋكرايناعا قارۋدى قالاي جەتكىزەدى؟
رەسەي ۋكرايناعا باسىپ كىرمەس بۇرىن قارۋ-جاراق ۇشاقتارمەن جەتكىزىلگەن ەدى. قازىر بۇل جولداردىڭ بارلىعى جابىق. سوعىستىڭ ەكىنشى كۇنى ۆارشاۆا ۋكرايناعا وق-دارىلەردى جۇك كولىكتەرىمەن اكەلدى. وسىدان كەيىن پولشا ۇكىمەتى بۇل ەلدى قارۋ-جاراق  جەتكىزۋ ورتالىعىنا اينالدىرۋدى ۇسىندى.  ال ۆەنگريا ۇكىمەتى ۋكراينانى قاۋىپتى قارۋ-جاراقپەن قامتاماسىز ەتۋدەن دە، ونى ءوز اۋماعى ارقىلى تاسىمالداۋ مۇمكىندىگىنەن دە باس تارتتى.
قورعانىس مينيسترلەرى جۋرناليستەردىڭ «رەسەيدىڭ ۋكرايناعا بەلارۋس اۋماعىنان زىمىراندىق شابۋىل جاعدايىندا قارۋ-جاراقتى قالاي جەتكىزۋ جوسپاردا بار؟» دەپ سۇراعاندا، بوررەلل: «بۇل سوعىس. رەسەيلىك تاراپ پايدالانا الاتىن اقپاراتتى جاريالاي المايمىز»، — دەپ قىسقا قايىردى.

اقپارات Kznews.kz سايتىنان الىندى

پىكىرلەر