قوستاناي وبلىسى ليساكوۆسك قالالىق ىشكى ساياسات باسقارماسىنىڭ كامەلەتكە تولماعان قىزداردى زورلادى دەگەن كۇدىككە ىلىنگەن باسشىسى تۋرالى باق بەتتەرىندە ءتۇرلى اقپارات جاريالانعاننان كەيىن ونىمەن حات الماسقان سكرينشوتتارىن جىبەرگەن قىزدار سانى ارتتى، دەپ حابارلايدى “ادىرنا” ۇلتتىق پورتالى كازپراۆداعا سىلتەمە جاساپ.
«NeMolchi.kz» قوعامدىق قورى ءوز اككاۋنتىندا كۇدىكتىمەن سوناۋ 2015 جىلى ارقالىق قالاسىنىڭ اكىمدىگىندە جۇمىس ىستەگەن كەزىنەن باستاپ تانىسقان قىزداردىڭ سكرينشوتتارىن جاريالادى.
ەسكە سالايىق، قوستاناي وبلىسى ليساكوۆسك قالالىق ىشكى ساياسات ءبولىمىنىڭ باسشىسى كامەلەتكە تولماعان قىزداردى زورلادى دەگەن كۇدىككە ءىلىندى.
دالەلدەرگە سۇيەنسەك، ەر ادام الەۋمەتتىك جەلىدە قىزدارمەن تانىسىپ، ولارعا “عاشىق” بولىپ، جاقىن قارىم-قاتىناس قۇرىپ، وزىنە كەزەكتى جاڭا قۇربان ىزدەگەن. پاراقشاسىندا ول ءوزىنىڭ ناقتى جاسىن جاسىرىپ، وتباسىلىق جاعدايى تۋرالى جاسىرىن ۇستاعان. نەگىزى ول ۇيلەنگەن ءارى بالالارى بار.
NeMolchi.kz قورىنىڭ جەتەكشىسى دينا سمايلوۆا قازاقستان پرەزيدەنتىنە بۇل ءىستى ءوز باقىلاۋىنا الۋىن ءوتىندى.
“ادىرنا” ۇلتتىق پورتالى
