Qazaqstannyŋ Ūlttyq bankı reseilık bankterdıŋ «enşıles kompaniialaryna» kömek körsetedı, dep habarlaidy "Adyrna" ūlttyq portaly. Būl turaly Ūlttyq bank töraǧasy Ǧalymjan Pırmatov baiandady.
«Ūlttyq bank bankterge klientterge qyzmet körsetudı qoldauǧa baǧyttalǧan kömek körsetedı. Reseilık bankterdıŋ enşıles bankterıne qolma-qol teŋge tūraqty rejimde şekteusız berıledı», - dedı Pırmatov seisenbı künı ükımet otyrysynda.Onyŋ aituynşa, reseilık bankter men olardyŋ Qazaqstandaǧy enşıles ūiymdaryna qarsy sanksiialardyŋ keŋeiuı būl bankterdıŋ jūmysyna, atap aitqanda, dollarmen, eurodaǧy audarymdar men kartochkalyq operasiialarǧa äser ettı, öitkenı Visa jäne Mastercard halyqaralyq tölem jüielerı olardyŋ kartalary boiynşa operasiialardy şektedı.
«Būl bankterge salynǧan sanksiialar men şekteuler qazaqstandyq bankterdıŋ qyzmetıne qatysy joq jäne olarǧa äser etpeidı», - dedı Pırmatov.
"Adyrna" ūlttyq portaly
Ūqsas jaŋalyqtar
