رەسەي پرەزيدەنتى ۆلاديمير ءپۋتيننىڭ بۇرىنعى كومەكشىسى ۆلاديسلاۆ سۋركوۆ ۇيقاماققا الىندى، دەپ حابارلادى رف مەملەكەتتىك دۋماسىنىڭ بۇرىنعى دەپۋتاتى، ۋكراينا اۋماقتىق قورعانىس كۇشتەرىنىڭ مۇشەسى يليا پونومارەۆ 11 ءساۋىر كۇنى Facebook-تە. بۇل تۋرالى "ادىرنا" ۇلتتىق پورتالى جازادى.
«سىزدەر كۇلەتىن شىعارسىزدار، بىراق رەسەيلىك z-دەرەككوزدەرى بىزگە ۆلاديسلاۆ سۋركوۆتىڭ قاماۋعا الىنعانى تۋرالى ايتتى: «ۆلاديسلاۆ سۋركوۆ ۇيقاماقتا. 2014 جىلدان بەرى دونباسستا قارجى جىمقىرۋ دەرەگى بويىنشا تەرگەۋ شارالارى جۇرگىزىلۋدە»، - دەپ جازدى ول.
مەملەكەتتىك دۋمانىڭ ەكس-دەپۋتاتى بۇل اقپاراتتىڭ راستالماۋى مۇمكىن ەكەنىن جوققا شىعارمادى.
"قورعانىس مينيسترلىگى سۋركوۆتى راسىندا جاقتىرتپايتىن جانە مۇنىسى شىنايى ىسكە كوشپەسىنە كىم كەپىل؟! ەكىنشى جاعىنان، پۋتين 2020 جىلدىڭ اقپانىندا رەسمي بۇيرىقپەن ۆيۋس-ءتى كومەكشى قىزمەتىنەن بوساتقانىمەن، سۋركوۆ ءالى كۇنگە دەيىن بار شىندىقتى بارىنەن دە جاقسى بىلەدى. سەپاراتيستىك پسەۆدورەسپۋبليكالارداعى جاعداي كەڭ جانە ول رەسەيلىك «دونباسس ارداگەرلەرىنە» جاقىن»، - دەپ ءتۇسىندىردى پونومارەۆ.
ول سونداي-اق سۋركوۆتىڭ شەشەنستان باسشىسى رامزان قادىروۆپەن «اۋەلدەن جاقىن بولعانىن» جانە «اكادەميكتىڭ كوپ نارسەنى ءوزى ويلاپ تاپپاي، ۆلاديسلاۆ ءيۋريچتىڭ وسيەتىن ۇستاناتىنى انىق» دەپ اتاپ ءوتتى.
«ءبىز سۋركوۆتىڭ قاماۋعا الىنعانى تۋرالى اقپاراتتى رەسمي راستاۋدى نەمەسە جوققا شىعارۋدى كۇتەمىز»، - دەدى پونومارەۆ.
دەرەك:
سۋركوۆ العاش رەت 2004 جىلى مەملەكەت باسشىسىنىڭ كومەكشىسى، 2008 جىلى پرەزيدەنت اكىمشىلىگى باسشىسىنىڭ ءبىرىنشى ورىنباسارى، 2011 جىلى ۇكىمەت باسشىسىنىڭ ورىنباسارى بولىپ تاعايىندالدى. 2013 جىلدىڭ قىركۇيەگىنەن باستاپ ءپۋتيننىڭ كومەكشىسى بولىپ جۇمىس ىستەدى.
ول 2019 جىلى 9 جەلتوقساندا پاريجدە وتكەن دونباستاعى جاعدايدى رەتتەۋ بويىنشا نورمانديا فورماتىنداعى كەلىسسوزدەرگە رەسەيلىك دەلەگاتسيانىڭ مۇشەسى بولدى.
پۋتين سۋركوۆتى 2020 جىلدىڭ 18 اقپانىندا قىزمەتىنەن بوساتتى.
"ادىرنا" ۇلتتىق پورتالى
