Reseı prezıdenti Vladımır Pýtınniń burynǵy kómekshisi Vladıslav Sýrkov úıqamaqqa alyndy, dep habarlady RF Memlekettik Dýmasynyń burynǵy depýtaty, Ýkraına aýmaqtyq qorǵanys kúshteriniń múshesi Ilıa Ponomarev 11 sáýir kúni Facebook-te. Bul týraly "Adyrna" ulttyq portaly jazady.
«Sizder kúletin shyǵarsyzdar, biraq reseılik z-derekkózderi bizge Vladıslav Sýrkovtyń qamaýǵa alynǵany týraly aıtty: «Vladıslav Sýrkov úıqamaqta. 2014 jyldan beri Donbassta qarjy jymqyrý deregi boıynsha tergeý sharalary júrgizilýde», - dep jazdy ol.
Memlekettik Dýmanyń eks-depýtaty bul aqparattyń rastalmaýy múmkin ekenin joqqa shyǵarmady.
"Qorǵanys mınıstrligi Sýrkovty rasynda jaqtyrtpaıtyn jáne munysy shynaıy iske kóshpesine kim kepil?! Ekinshi jaǵynan, Pýtın 2020 jyldyń aqpanynda resmı buıryqpen VIýS-ti kómekshi qyzmetinen bosatqanymen, Sýrkov áli kúnge deıin bar shyndyqty bárinen de jaqsy biledi. Separatıstik psevdorespýblıkalardaǵy jaǵdaı keń jáne ol reseılik «Donbass ardagerlerine» jaqyn», - dep túsindirdi Ponomarev.
Ol sondaı-aq Sýrkovtyń Sheshenstan basshysy Ramzan Qadyrovpen «áýelden jaqyn bolǵanyn» jáne «akademıktiń kóp nárseni ózi oılap tappaı, Vladıslav Iýrıchtiń ósıetin ustanatyny anyq» dep atap ótti.
«Biz Sýrkovtyń qamaýǵa alynǵany týraly aqparatty resmı rastaýdy nemese joqqa shyǵarýdy kútemiz», - dedi Ponomarev.
Derek:
Sýrkov alǵash ret 2004 jyly memleket basshysynyń kómekshisi, 2008 jyly prezıdent ákimshiligi basshysynyń birinshi orynbasary, 2011 jyly úkimet basshysynyń orynbasary bolyp taǵaıyndaldy. 2013 jyldyń qyrkúıeginen bastap Pýtınniń kómekshisi bolyp jumys istedi.
Ol 2019 jyly 9 jeltoqsanda Parıjde ótken Donbastaǵy jaǵdaıdy retteý boıynsha Normandııa formatyndaǵy kelissózderge reseılik delegaııanyń múshesi boldy.
Pýtın Sýrkovty 2020 jyldyń 18 aqpanynda qyzmetinen bosatty.
"Adyrna" ulttyq portaly
