قازاقستان رەسپۋبليكاسى پرەزيدەنتىنىڭ جارلىعىنا سايكەس، شىمكەنت قالاسى اكىمى مۇرات ايتەنوۆتىڭ اۋدان تۇرعىندارىمەن ەسەپتى كەزدەسۋى جالعاسۋدا. كەزدەسۋگە قاراتاۋ اۋدانىنا قاراستى سايرام اۋماعىنىڭ 350-دەن اسا تۇرعىنى قاتىستى.
قالا اكىمى 2021 جىلى الەۋمەتتىك-ەكونوميكالىق دامۋى مەن ينجەنەرلىك-ينفراقۇرىلىممەن قامتىلۋى تۋرالى بايانداپ، وسى جىلعى جوسپارلاردى مالىمدەدى.
قاراتاۋ اۋدانىندا 265 مىڭنان اسا تۇرعىن قونىستانعان. شالعاي ورنالاسقان ەلدىمەكەندەردىڭ وزەكتى ماسەلەسى – ينفراقۇرىلىم. وتكەن جىلى 4 ەلدىمەكەن اۋىز سۋمەن، 3 ەلدىمەكەن ەلەكتر جانە تابيعي گازبەن قامتىلدى. بۇل جىلى قايناربۇلاق ت/ا، اسار-2 (2 كەزەك), سايرام اۋماعىندا اۋىز سۋ قۇرىلىسى باستالادى. ال، قايناربۇلاق، دوستىق، اسار-2, تۇران شاعىن اۋداندارىن ەلەكتر ەنەرگياسىمەن قامتۋ ءۇشىن قۇرىلىس جۇمىستارى جۇرەدى. تاسساي، تۇران، اسار-2, قايناربۇلاق تۇرعىن الابىندا تابيعي گازدىڭ قۇرىلىسى باستالادى. ەلدىمەكەندەردىڭ ينفراقۇرىلىممەن تولىق قامتۋىلۋى تۋرالى اۋدان اكىمى ر.مۇلكەمانوۆ بايانداپ بەردى.
كەزدەسۋدە تۇرعىندار تاراپىنان سۇراقتار قويىلىپ، اربىرىنە شاھار باسشىسى ناقتى جاۋاپتار بەردى. ءتيىستى سالا باسشىلارىنا ناقتى تاپسىرمالار جۇكتەدى. جاڭادان تاعايىندالعان اۋدان اكىمىنە ساتتىلىك تىلەپ، تۇرعىندارمەن تىعىز قارىم-قاتىناستا جۇمىس جاساۋدى جۇكتەدى.
