Almaty qalalyq äleumettık qorǧau basqarmasynyŋ bas mamany para alǧany üşın sottaldy. Būl turaly Sybailas jemqorlyqqa qarsy ıs-qimyl agenttıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Antikordyŋ habarlauynşa, sot ükımımen Almaty qalasy boiynşa Äleumettık qamsyzdandyru basqarmasynyŋ eŋbek qauıpsızdıgın baqylau bölımınıŋ bas mamany – memlekettık eŋbek inspektory A.K.Qaparov Qylmystyq Kodekstıŋ nıŋ 366-babynyŋ 3-bölıgı, 4-tarmaǧynda közdelgen qylmysty jasaǧany üşın kınälı dep tanyldy.
«A.K.Qaparov eŋbek qauıpsızdıgı jäne eŋbektı qorǧau boiynşa kursty aiaqtaǧany turaly sertifikattarǧa kedergısız jäne jedel qol qoiu üşın oqu ortalyqtarynyŋ ökılderınen bırneşe ret 150 000 teŋgege deiın para alǧan» delıngen habarlamada.Oǧan ömır boiyna memlekettık qyzmette, jergılıktı özın-özı basqaru organdarynda, memlekettık ūiymdarda jäne kvazimemlekettık sektor subektılerınde lauazymdardy atqaru qūqyǧynan aiyra otyryp, 1 819 740 teŋge mölşerınde aiyppūl salyndy. Ükım zaŋdy küşıne engen joq.
“Adyrna” ūlttyq portaly
Ūqsas jaŋalyqtar
