اقش پرەزيدەنتى دجو بايدەن كومەكتىڭ قىسقارۋى سالدارىنان ۋكراينا قاقتىعىستىڭ قيىن كەزەڭىندە تۇر دەپ مالىمدەدى. بۇل تۋرالى Bloomberg اگەنتتىگى جازدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بايدەن نيۋ-يوركتەگى قاراجات جيناۋ ءىس-شاراسىندا ۋكراينانىڭ وداقتاستارى كيەۆتى تاستاپ بارا جاتقانىنا الاڭداۋشىلىق ءبىلدىرىپ، ۋكراينا قاقتىعىستىڭ قيىن كەزەڭىندە ەكەنىن باسا ايتتى.
ء"بىز نە ىستەپ جاتىرمىز؟ شەگىنىپ جاتىرمىز با؟" – دەپ اشۋلاندى اقش باسشىسى.
وسىعان وراي، اقش سەناتى دۇيسەنبى كۇنى شەكارا كۇزەتىن قامتاماسىز ەتۋ، ۋكراينا مەن يزرايلگە كومەك كورسەتۋ ءۇشىن اقشا ءبولۋدى بىرىكتىرەتىن زاڭ جوباسىن ۇسىندى.
سونىمەن قاتر، جالپى زاڭ جوباسى 118,28 ميلليارد دوللار ءبولۋدى ۇسىنادى، ونىڭ ىشىندە 60,06 ميلليارد دوللار كيەۆتى قولداۋعا ارنالعان. بۇل رەتتە شەكارا قاۋىپسىزدىگىن قامتاماسىز ەتۋگە ودان ءۇش ەسە از – 20,2 ميلليارد دوللار جۇمساۋ جوسپارلانۋدا.
ال اقش پرەزيدەنتى زاڭ جوباسىن قولدايتىنىن ايتىپ، كونگرەسسى ونى مۇمكىندىگىنشە تەزىرەك قابىلداۋعا شاقىردى.
دەگەنمەن، ۇسىنىلعان زاڭ جوباسى رەسپۋبليكاشىل ساياساتكەرلەردىڭ قاتاڭ سىنىنا ۇشىرادى. اقش-تىڭ بۇرىنعى پرەزيدەنتى دونالد ترامپ بۇل زاڭ جوباسىنا تەك اقىماق نەمەسە راديكالدى سولشىل دەموكرات داۋىس بەرەدى دەپ پىكىر ءبىلدىردى.
اقش وكىلدەر پالاتاسىنىڭ سپيكەرى مايك دجونسون كيەۆكە، يزرايلگە كومەك پەن اقش-تىڭ ءوز شەكاراسىن قورعاۋدى بىرىكتىرەتىن زاڭ جوباسى "كۇتكەننەن دە ناشار" بولعان جانە باستاما ساتسىزدىككە ۇشىرايتىنىن ايتتى.
