Reseı BUU-nyń Adam quqyqtary jónindegi keńesinen ókilettigin merziminen buryn toqtatady, dep habarlady osy eldiń uıym janyndaǵy turaqty ókiliniń orynbasary Gennadıı Kýzmın Bas assambleıa otyrysynda, dep habarlaıdy “Adyrna” ulttyq portaly.
Kýzmınniń aıtýynsha, ókildik 7 sáýirden bastap, Keńestegi óz jumysyn toqtatady.
«Reseı tarapy BUU Bas Assambleıasy qabyldaǵan Reseıdiń BUU AQK músheligin toqtatý týraly rezolıýııasyn táýelsiz ishki jáne syrtqy saıasatty ustanatyn BUU-ǵa múshe egemen memleketti qaısarlyqpen jazalaý maqsatynda jasalǵan zańsyz jáne saıası astarly qadam dep sanaıdy», - dedi dıplomat.
Reseıdiń BUU Adam quqyqtary jónindegi komıtetindegi músheligin toqtatý týraly qarardy 93 memleket qoldap, 24 memleket qarsy bolyp, 58 ókil qalys qaldy. Qujatty Batys elderiniń toby daıyndady, olardyń arasynda AQSh pen Ýkraına da bar.
“Adyrna” ulttyq portaly
