Tashkent pen Ankara keńeıtilgen áskerı kelisimge qol qoıdy. Bul týraly Túrkııanyń Ulttyq qorǵanys mınıstrliginiń baspasóz qyzmeti sálimdedi, dep habarlaıdy "Adyrna" ulttyq portaly.
Bul qujatqa Túrkııa prezıdenti Rejep Taıyp Erdoǵannyń Ózbekstanǵa resmı sapary barysynda qol qoıyldy. Ony eki respýblıkanyń qorǵanys mınıstrleri – túrik tarapynan Hýlýsı Akar jáne ózbek tarapynan Bahodır Kýrbanov maquldady.
Tolyq aqparat berilgen joq. Kelissózderden keıingi baspasóz máslıhatynda Erdoǵan Ózbekstanmen qorǵanys ónerkásibinde yntymaqtastyqty damytý úshin úlken áleýet bar ekenine nazar aýdardy.
Prezıdent Túrkııanyń bul saladaǵy jetistikteri aıqyn ekenin, onyń «úlken áleýeti bar» ekenin jáne ony Ózbekstanmen bólisýge daıyn ekenin atap ótti.
Ózbekstan-Túrkııa joǵary deńgeıdegi strategııalyq yntymaqtastyq keńesi otyrysy bastalar aldynda sóz sóılegen Erdoǵan Túrkııanyń jan-jaqty strategııalyq seriktesi, dos jáne baýyrlas el Ózbekstanǵa qoldaý kórsetýdi jalǵastyratynyn aıtty, dep habarlaıdy Anadolu. Ol jınalǵandardy Naýryz merekesimen quttyqtady.
"Adyrna" ulttyq portaly
