تۇركيادا قۇنى 940 مىڭ اقش دوللارىن قۇرايتىن (شامامەن 506 ملن تەڭگە — رەد.) ياحتا سۋعا باتىپ كەتتى، دەپ حابارلايدى «ادىرنا» ءتىلشىسى.
New York Post مالىمەتىنشە، وقيعا تۇركيانىڭ سولتۇستىگىندەگى زونگۋلداك وبلىسىنىڭ ەرەگلي اۋدانىندا، تەڭىزگە شىققاننان كەيىن نەبارى 15 مينۋت وتكەن سوڭ بولعان. ياحتا يەسى، ەكى ەكيپاج مۇشەسى جانە كاپيتان جاعاعا ءجۇزىپ شىققان.
باسىلىم ياحتا يەسىنىڭ ونى جاقىندا عانا ىستامبۇلدان الدىرتقانىن اتاپ ءوتتى.
الدىن الا دەرەكتەر بويىنشا، وقىس وقيعاعا ينجەنەرلىك قاتەلىك سەبەپ بولعان. بۇل جاعدايدى بەيناباقىلاۋ كامەراسى تىركەپ العان.
قازىرگى ۋاقىتتا وقيعاعا بايلانىستى تەرگەۋ جالعاسىپ جاتىر.
ۇقساس جاڭالىقتار
