شىمكەنت قالاسىندا جول جوندەۋ قارقىندى جۇرگىزىلۋدە. وتكەن جىلى قالادا جالپى ۇزىندىعى 189,7 شاقىرىم جول پايدالانۋعا بەرىلدى. بۇل تۋرالى قالا اكىمى مۇرات ايتەنوۆ ءال-فارابي اۋدانى تۇرعىندارىمەن كەزدەسۋدە باياندادى.
بيىل 182 جوبانىڭ قۇرىلىسىن جۇرگىزۋ جوسپارلانىپ وتىر. سونىڭ ىشىندە 20 جوبادا قايتا قۇرۋ، 3 كۇردەلى جوندەۋ جانە 159 كوشەدە ورتاشا جوندەۋ جۇمىسى جۇرگىزىلەدى. سونىمەن بىرگە، 122,7 شاقىرىم جولعا شاعال تاس توسەلىپ، 178 جاڭا ايالداما ورناتىلادى.
ال، ءال-فارابي اۋدانى بويىنشا 2021 جىلى اۋقىمدى جوبا جۇزەگە استى. وتكەن جىلدىڭ قورىتىندىسىمەن قوناەۆ داڭعىلى مەن رىسقۇلوۆ كوشەلەرىنىڭ قيىلىسىنداعى اينالما جول سالىنىپ، پايدالانۋعا بەرىلدى.
2022 جىلدىڭ جوسپارىنا سايكەس، بايدىبەك بي داڭعىلى مەن ارعىنبەكوۆ كوشەلەرىنىڭ قيىلىسىنداعى اينالما جولدىڭ قۇرىلىسى اتقارىلۋدا.
ودان وزگە، بيىل اۋدانداعى ىشكى ورامدىق 3 كوشەگە اسفالت توسەلەدى. ولار: اقجايىق ش/ا اقجيرەن كوشەسى، سامال-2 ش/ا جاباي اتا كوشەسى جانك جاندوسوۆ وتكەلى.
2023 جىلى ايقاپ-تۇركىستان ش/ا بەتكەي كوشەسى، اقجايىق ش/ا شاعاتاي، بالتامىر، توقپان كوشەلەرى، سامال-1 ش/ا تايمانوۆ، مەيىربەكوۆ كوشەلەرىن اسفالتتاۋعا جولاۋشىلار كولىگى جانە اۆتوموبيل جولدارى باسقارماسىنىڭ جۇمىس جوسپارىنا ەنگىزىلدى.
2024 جىلى اقجايىق ش/ا سايگۇلىك، سامعاۋ، مايلىكەنت، تايقوڭىر كوشەلەرى جانە سامال-2 ش/ا ەرمەكباەۆ، شاكىروۆ، سەيىتوۆ كوشەلەرىنە اسفالت توسەلەدى.
جوعارىدا اتالعان كوشەلەردە اسفالت توسەۋ جۇمىسى جۇزەگە اسىرىلسا، اۋدانداعى ساپالى جولداردىڭ كورسەتكىشى 100%-عا جەتەدى.
