"ديكي ارمان" لاقاپ اتىمەن تانىمال ارمان جۇماگەلديەۆتىڭ قاماۋعا الۋ مەرزىمى 7 ماۋسىمعا دەيىن ۇزارتىلدى. بۇل تۋرالى باس پروكۋراتۋرا مالىمدەدى،، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
"4 ساۋىردە الماتىنىڭ مامانداندىرىلعان اۋدانارالىق تەرگەۋ سوتى ارمان جۇماگەلديەۆتىڭ قاماۋعا الۋ تۇرىندەگى بۇلتارتپاۋ شاراسىن 2022 جىلدىڭ 7 ماۋسىمىنا دەيىن ۇزارتتى", - دەدى جارىلقاسىن.
باس پروكۋراتۋرا مالىمەتىنشە، جۇماگەلديەۆ مىنا باپتار بويىنشا كۇدىكتى رەتىندە قاماۋعا الىنعان:
- قك 287-بابى، 4-بولىگى "ادامدار توبىنىڭ الدىن الا ءسوز بايلاسۋىمەن نەمەسە بiرنەشە رەت قارۋدى، وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ";
- قك 272-بابى ، 2-بولىگى "كۇش قولدانۋمەن، قيراتۋمەن، ورتەۋمەن، بۇزۋمەن، مۇلiكتi جويۋمەن، اتىس قارۋىن، جارىلعىش زاتتاردى نەمەسە جارىلىس قۇرىلعىلارىن قولدانۋمەن، سونداي-اق بيلىك وكiلiنە قارۋلى قارسىلىق كورسەتۋمەن ۇلاسقان، ونىڭ ىشىندە شەتەلدىك كوزدەردەن الىنعان قاراجاتتى پايدالانا وتىرىپ جاپپاي تارتiپسiزدiككە قاتىسۋ";
- قك 126-بابى، 3-بولىگى، 3-تارماقشاسى "ادامدى باس بوستاندىعىنان زاڭسىز ايىرىپ، ابايسىزدا جابiرلەنۋشiنiڭ ولىمىنە نە وزگە دە اۋىر زارداپتارعا اكەپ سوعۋ".
”ادىرنا” ۇلتتىق پورتالى
