"Dıkıı Arman" laqap atymen tanymal Arman Jumageldıevtiń qamaýǵa alý merzimi 7 maýsymǵa deıin uzartyldy. Bul týraly Bas prokýratýra málimdedi,, - dep habarlaıdy “Adyrna” ulttyq portaly Tengrinews.kz saıtyna silteme jasap.
"4 sáýirde Almatynyń mamandandyrylǵan aýdanaralyq tergeý soty Arman Jumageldıevtiń qamaýǵa alý túrindegi bultartpaý sharasyn 2022 jyldyń 7 maýsymyna deıin uzartty", - dedi Jarylqasyn.
Bas prokýratýra málimetinshe, Jumageldıev myna baptar boıynsha kúdikti retinde qamaýǵa alynǵan:
- QK 287-baby, 4-bóligi "Adamdar tobynyń aldyn ala sóz baılasýymen nemese birneshe ret qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý";
- QK 272-baby , 2-bóligi "Kúsh qoldanýmen, qıratýmen, órteýmen, buzýmen, múlikti joıýmen, atys qarýyn, jarylǵysh zattardy nemese jarylys qurylǵylaryn qoldanýmen, sondaı-aq bılik ókiline qarýly qarsylyq kórsetýmen ulasqan, onyń ishinde sheteldik kózderden alynǵan qarajatty paıdalana otyryp jappaı tártipsizdikke qatysý";
- QK 126-baby, 3-bóligi, 3-tarmaqshasy "Adamdy bas bostandyǵynan zańsyz aıyryp, abaısyzda jábirlenýshiniń ólimine ne ózge de aýyr zardaptarǵa ákep soǵý".
”Adyrna” ulttyq portaly
