قىتاي قازاقستانعا 100 ملن يۋان كولەمىندە قايتارىمسىز گرانت بەرۋى مۇمكىن – بۇل 7,5 ملرد تەڭگە. قۇجات جوباسى "اشىق نقا" پورتالىندا جاريالاندى، دەپ حابارلايدى «ادىرنا».
قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى تەحنيكالىق-ەكونوميكالىق ىنتىماقتاستىق تۋرالى كەلىسىمدى بەكىتۋ تۋرالى قاۋلى قوعامدىق تالقىلاۋعا شىعارىلدى.
قۇجاتقا سايكەس، قىتاي قازاقستاندىق تاراپقا 100 ملن يۋان (شامامەن 7,5 ملرد تەڭگە) كولەمىندە قايتارىمسىز گرانت بولەدى، ول قازاقستاننىڭ عارىش سالاسىن دامىتۋعا جۇمسالادى.
كەلىسىمنىڭ ماقساتى – باسەكەگە قابىلەتتىلىكتى، ينۆەستيتسيالىق احۋالدى جاقسارتۋ جانە ەلدىڭ عىلىمي-تەحنيكالىق جانە وندىرىستىك الەۋەتىن ارتتىرۋ ءۇشىن قازاقستانعا قوسىمشا ينۆەستيتسيالار تارتۋ.
قۇجات جوباسى 24 تامىزعا دەيىن تالقىلانباق.
