ەۋرووداق بيلىگى رەسەيگە قارسى جاڭا سانكتسيالارعا دايىندالىپ جاتىر، دەپ حابارلادى جەكسەنبى كۇنى ەۋروپالىق كەڭەس توراعاسى شارل ميشەل. بۇل تۋرالى "ادىرنا" ۇلتتىق پورتالى جازادى.
«ۋكراينانى قولداۋعا باقىتتالعان ەو-نىڭ كەلەسى سانكتسيالارى جولدا كەلە جاتىر»، - دەپ جازدى ول تۆيتتەردە (الەۋمەتتىك جەلى رەسەيدە بۇعاتتالعان).
24 اقپاندا رەسەي پرەزيدەنتى ۆلاديمير پۋتين ۋكراينادا ارنايى اسكەري وپەراتسيانىڭ باستالعانىن جاريالادى. بۇعان جاۋاپ رەتىندە باتىس ەلدەرى رەسەيگە قارسى اۋقىمدى سانكتسيالار ەنگىزدى.
15 ناۋرىزدا ەو-نىڭ رەسەيگە قارسى ءتورتىنشى سانكتسيالار پاكەتى كۇشىنە ەندى. ول، اتاپ ايتقاندا، رەسەي فەدەراتسياسىنان بولات ونىمدەرىنىڭ ءبىر بولىگىن يمپورتتاۋعا جانە رەسەي فەدەراتسياسىنىڭ ەنەرگەتيكا سالاسىنداعى ينۆەستيتسيالارعا بەيبىت اتوم ءۇشىن جانە ەو-دا ەنەرگيا رەسۋرستارىن تاسىمالداۋعا تىيىم سالۋدى قاراستىرادى. رەسەيگە ءساندى تاۋارلاردى ەكسپورتتاۋعا جانە ەو نەسيەلىك جانە رەيتينگتىك اگەنتتىكتەرىنىڭ رەسەي مەن رەسەيلىك كومپانيالارعا رەيتينگ بەرۋىنە تىيىم سالىنادى.
"ادىرنا" ۇلتتىق پورتالى
