Qazaqstan prezıdenti Qasym-Jomart Toqaev Qazaqstan halqyn qasıetti Ramazan aıynyń bastalýymen quttyqtady, - dep habarlaıdy "Adyrna" tilshisi.
"Qurmetti otandastar! Sizderdi musylmandar úshin qasıetti Ramazan aıynyń bastalýymen shyn júrekten quttyqtaımyn! Dindarlar osynaý jarqyn ýaqytty rýhanı tazarýǵa, ózin-ózi jetildirýge jáne ıgi isterge arnaıdy. Ramazan aıy turaqty adamgershilik qundylyqtardy: qaıyrymdylyq, meıirimdilik, izgilikti alyp júredi. Ult birligin, eldegi tynyshtyq pen kelisimdi nyǵaıtýda Islam dininiń gýmanıstik murattarynyń mańyzy zor. Halqymyzdyń birliginiń arqasynda qandaı qıyndyqty da jeńip,bolashaqqa nyq senimmen qaraımyz. Oraza kúnderi qýanysh pen tynyshtyqqa toly bolsyn! Barlyq azamattarǵa densaýlyq, baqyt jáne amandyq tileımin!" – dedi memleket basshysy.
Eske salaıyq, 2022 jyly Ramazan 2 sáýirde bastalyp, 1 mamyrda aıaqtalady. Oraza 30 kúnge sozylady. 2 mamyrda Qazaqstan musylmandary Oraza aıt merekesin toılaıdy.
"Adyrna" ulttyq portaly
