مەملەكەت باسشىسى شەتەلدىك وكىلدەرمەن كەزدەسۋدە يراننىڭ يادرولىق ماسەلەسىنە توقتالدى، دەپ حابارلايدى “ادىرنا” ۇلتتىق پورتالى.
پرەزيدەنت قاسىم-جومارت توقاەۆ برازيليانىڭ ءسىم ماۋرو ۆيەيرامەن كەزدەسۋدە يراننىڭ يادرولىق باعدارلاماسىنا قاتىستى جاعدايدى تالقىلادى.
اقوردا مالىمەتىنشە، تاراپتار حالىقارالىق قاۋىپسىزدىك، يادرولىق قارۋسىزدانۋ جانە يادرولىق قارۋدى تاراتپاۋ ماسەلەلەرى بويىنشا ەكى ەل اراسىنداعى ىنتىماقتاستىقتىڭ ماڭىزىن اتاپ ءوتتى.
كەزدەسۋ بارىسىندا بۇۇ مەن ونىڭ قۇرىلىمدارىن رەفورمالاۋ ماسەلەسى، يراننىڭ يادرولىق باعدارلاماسىنا قاتىستى احۋالعا ەرەكشە نازار اۋدارىلدى.
مەملەكەت باسشىسى قازاقستاننىڭ اتوم ەنەرگياسىن تەك بەيبىت ماقساتتا جانە ماگاتە باقىلاۋىمەن پايدالانۋدى قولدايتىنىن راستادى.
سونىمەن قاتار قازاقستاننىڭ يادرولىق قارۋدى تاراتپاۋ سالاسىندا حالىقارالىق سەنىمگە يە ەكەنى، سەزىمتال يادرولىق ماتەريالدارمەن قاۋىپسىز جۇمىس ىستەۋگە قاجەتتى ينفراقۇرىلىم، عىلىمي جانە تەحنيكالىق بازاعا يە ەكەنى ايتىلدى.
ەسكە سالساق، قازاقستان اۋماعىندا الەمدەگى جالعىز ماگاتە-ءنىڭ تومەن بايىتىلعان ۋران بانكى ورنالاسقان.
پرەزيدەنت توقاەۆ حالىقارالىق كەلىسىمدەر جاسالىپ، ماسەلە پراكتيكالىق كەزەڭگە وتەتىن جاعدايدا قازاقستان يراننىڭ يادرولىق ماسەلەسىن شەشۋگە ىزگى نيەتپەن قولداۋ كورسەتۋگە دايىن ەكەنىن جەتكىزدى.
