پاۆلودار وبلىسىندا روجدەستۆەنكا اۋىلىندا قاردىڭ ەرىگەن سۋى 30 ءۇيدى باسقان. بۇل تۋرالى توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
سۋ اۋىلداعى بەس ءۇيدىڭ ىشىنە كىرىپ كەتكەن.
"31 ناۋرىزدا ساعات 17.47-دە تجد الەۋمەتتىك جەلىلەرگە جۇرگىزگەن مونيتورينگى بارىسىندا پاۆلودار وبلىسى، روجدەستۆەنكا اۋىلىندا، اباي كوشەسى، 67-ۇيگە سۋ كىرگەنىن انىقتادى", – دەپ حابارلادى دەپارتامەنتتىڭ ءباسپاسوز قىزمەتى. بۇل تۋرالى وبلىستىڭ توتەنشە جاعدايلارى حابارلادى.
وقيعا ورنىندا جەرگىلىكتى اتقارۋشى ورگانداردىڭ كۇشى مەن قۇرالدارىمەن سۋدى سورۋ جۇمىستارى جۇرگىزىلۋدە. ساعات 19.30-دا پاۆلودار قالاسىنىڭ گارنيزون جيىنى جاريالانىپ، بەس ادامنان تۇراتىن وبلىستىق تجد كۇشتەرى مەن قۇرالدارى توبى جانە تەحنيكا سۋ تاسقىنى بولعان جەرگە جىبەرىلدى. ءبىر ساعاتتان كەيىن ول جەرگە ءۇش ادامنان تۇراتىن جەدەل-قۇتقارۋ جاساعى تەحنيكامەن جانە رەزەڭكە قايىقپەن اتتاندى. قازىرگى ۋاقىتتا ەرىگەن سۋدى سورۋ جۇمىستارى جالعاسۋدا.
توتەنشە جاعدايلار دەپارتامەنتىندە جاعدايدى قاردىڭ كۇرت ەرۋىنەن تۋىنداعان سۋ تاسقىنى دەپ مالىمدەدى.
”ادىرنا” ۇلتتىق پورتالى
