72 جاسار قارت جاياۋ مارافونعا اتتاندى

1756
Adyrna.kz Telegram
فوتو: inform.kz
فوتو: inform.kz

ۇلىتاۋ ۇلتتىق تاريحي-مادەني جانە تابيعي مۇراجاي-قورىعىنىڭ قىزمەتكەرى جانە ەڭبەك ارداگەرى سارسەنباي قوتىراشوۆ قازاقستاننىڭ كەڭ بايتاق دالاسىن جاياۋ ءجۇرىپ وتپەك، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ. 

قاراشاعا دەيىن 72 جاستاعى اقساقال بۇكىل ەلدى ارالاپ، قولدانبالى ونەر شەبەرلەرىمەن كەزدەسىپ، وزگە وڭىرلەردىڭ تۇرعىندارىن ۇلىتاۋ اۋدانىنىڭ تاريحىمەن جانە كيەلى جەرلەرىمەن تانىستىرماق.

ول كۇنىنە 40 شاقىرىم جول ءجۇرۋدى جوسپارلاپ وتىر.

«ۇلىتاۋعا باردىڭ با؟» دەپ اتالاتىن جاياۋ مارافون كەشە باستالدى. الىس جولعا شىعار الدىندا سارسەنباي قوتىراشوۆ «ۇلىتاۋ» مۇراجاي-قورىعىنداعى ارىپتەستەرىمەن كەزدەسىپ، ءوز باعىتىمەن ءبولىستى.

«مەن جەتى جىل بويى جاياۋ مارافونعا دايىندالدىم. مەنىڭ ماقساتىم – قولونەر شەبەرلەرىمەن كەزدەسىپ، قازاق حالقىن ۇلىتاۋ تاريحىمەن تانىستىرۋ. سونىڭ ىشىندە «كوكمايسا» فەستيۆالىن ناسيحاتتاۋ دا بار. مەن قازاقستاننىڭ بارلىق وڭىرلەرىن ارالاپ ءوتۋدى جوسپارلاپ وتىرمىن. قىزىلوردا، تۇركىستان، شىمكەنتتەن باستايمىن. ءارى قاراي تاراز، الماتى، تالدىقورعان قالالارىنا جول تارتامىن.قازاقستاننىڭ ۇزدىك قولونەرشىلەرىنىڭ ءتىزىمىن جاساعىم كەلەدى. مەنىڭ بۇكىل باعىتىم الەۋمەتتىك جەلىلەردە جاريالانادى»، – دەيدى ساياحاتشى.

مارافونشىنىڭ جولى: ۇلىتاۋ – قىزىلوردا – تۇركىستان – شىمكەنت – تاراز –الماتى – تالدىقورعان – اياكوز – سەمەي – پاۆلودار – نۇر-سۇلتان – كوكشەتاۋ – پەتروپاۆل – قوستاناي – اقتوبە – ورال – اتىراۋ – بەينەۋ – اقتاۋ.

”ادىرنا” ۇلتتىق پورتالى

 

پىكىرلەر