الماتى قالاسى اكىمدىگىنىڭ قولداۋىمەن City Run جارىسى ءوتتى، ول 2025 جىلعى ءوزىنىڭ جۇگىرۋ ماۋسىمىن قورىتىندىلادى.
16 قاراشادا الماتىدا 20 ەلدەن كەلگەن 2 500 قاتىسۋشى جينالعان ماۋسىمنىڭ مارەلىك جارىسى ءوتتى.
جۇگىرۋشىلەردىڭ قاتارىندا مەگاپوليستىڭ تۇرعىندارى مەن قوناقتارى، سونىڭ ىشىندە ششۋچينسك قالاسىنان 91 جاستاعى ساليحا زيگانگەروۆا جانە الماتىلىق 88 جاستاعى دۋزۋ ماۆليۋتوۆا بولدى. مارەگە جەتكەندەردىڭ بارلىعى ەستەلىك مەدالدار الدى.
2025 جىلعى جۇگىرۋ ماۋسىمى 40 مىڭنان استام قاتىسۋشىنىڭ باسىن قوستى، ولاردىڭ 18 مىڭعا جۋىعى ايەلەلدەر، وتكەن جىلمەن سالىستىرعاندا ولاردىڭ سانى 20% -كوپ بولدى. سونداي-اق تىركەلگەن شەتەلدىك قاتىسۋشىلار قاتارى دا ۇلعايعان.
ماۋسىمنىڭ ماڭىزدى وقيعاسى 60 ەلدەن 16 149 قاتىسۋشىنى جيناعان 14-ءشى Almaty Marathon بولدى. بيىل جۇگىرۋ جولىنىڭ نەگىزگى رەكوردتارى جاڭارتىلدى: ەرلەر – 2:19:38, ايەلدەر – 2:41:24. العاش رەت 1500 ادام 42,2 شاقىرىم مارافون قاشىقتىعىن يگەردى.
الماتى جارىستارى AIMS حالىقارالىق مارافوندارى مەن جۇگىرۋ جارىستارىنىڭ كۇنتىزبەسىنە ەنگەن ەلىمىزدەگى جالعىز قالا.
مۇنداي كوپشىلىك ء ىس-شارالار قالالىق سپورت مادەنيەتىن نىعايتادى، بۇقارالىق سپورتتى دامىتادى جانە جەرگىلىكتى بيزنەستى قولدايدى. زەرتتەۋ دەرەكتەرى بويىنشا، دەمالىس كۇندەرى وتەتىن مارافونعا قاتىسۋشىلار ەكى كۇندە شامامەن 8 ملن تەڭگە جۇمسايدى ەكەن. ال سەرىكتەس كومپانيالاردان تۇسكەن سالىق سوڭعى ءتورت جىلدا ءۇش ەسەگە جۋىق – 318,9 ملن تەڭگەدەن 873,9 ملن تەڭگەگە دەيىن وسكەن. قالا سىرتىنداعى جۇگىرۋشىلەردىڭ 80%-عا جۋىعى الماتىعا قايتا كەلۋدى جوسپارلاپ وتىر.
