Ūlytau ūlttyq tarihi-mädeni jäne tabiǧi mūrajai-qoryǧynyŋ qyzmetkerı jäne eŋbek ardagerı Särsenbai Qotyraşov Qazaqstannyŋ keŋ baitaq dalasyn jaiau jürıp ötpek, dep habarlaidy “Adyrna” ūlttyq portaly QazAqparatqa sıltep.
Qaraşaǧa deiın 72 jastaǧy aqsaqal bükıl eldı aralap, qoldanbaly öner şeberlerımen kezdesıp, özge öŋırlerdıŋ tūrǧyndaryn Ūlytau audanynyŋ tarihymen jäne kielı jerlerımen tanystyrmaq.
Ol künıne 40 şaqyrym jol jürudı josparlap otyr.
«Ūlytauǧa bardyŋ ba?» dep atalatyn jaiau marafon keşe bastaldy. Alys jolǧa şyǧar aldynda Särsenbai Qotyraşov «Ūlytau» mūrajai-qoryǧyndaǧy ärıptesterımen kezdesıp, öz baǧytymen bölıstı.
«Men jetı jyl boiy jaiau marafonǧa daiyndaldym. Menıŋ maqsatym – qolöner şeberlerımen kezdesıp, qazaq halqyn Ūlytau tarihymen tanystyru. Sonyŋ ışınde «Kökmaisa» festivalın nasihattau da bar. Men Qazaqstannyŋ barlyq öŋırlerın aralap ötudı josparlap otyrmyn. Qyzylorda, Türkıstan, Şymkentten bastaimyn. Ärı qarai Taraz, Almaty, Taldyqorǧan qalalaryna jol tartamyn.Qazaqstannyŋ üzdık qolönerşılerınıŋ tızımın jasaǧym keledı. Menıŋ bükıl baǧytym äleumettık jelılerde jariialanady», – deidı saiahatşy.Marafonşynyŋ joly: Ūlytau – Qyzylorda – Türkıstan – Şymkent – Taraz –Almaty – Taldyqorǧan – Aiaköz – Semei – Pavlodar – Nūr-Sūltan – Kökşetau – Petropavl – Qostanai – Aqtöbe – Oral – Atyrau – Beineu – Aqtau.
”Adyrna” ūlttyq portaly
Ūqsas jaŋalyqtar
