Resei äskerlerı Kiev oblysynyŋ İrpen qalasynyŋ tūrǧyndardy aiausyz qyrdy jäne tankılermen qaza tapqan ukraindyqtardyŋ denesınıŋ üstınen ezıp ötken. Būl turaly brifing barysynda İrpen qalasynyŋ merı Aleksandr Markuşin aitty, dep habarlaidy “Adyrna” ūlttyq portaly.
Markuşinnıŋ aituynşa, aman qalǧan qala tūrǧyndary jau qylmysynyŋ kuäsı bolǧan.
“Jergılıktı tūrǧyndar öte jaǧymsyz närselerdı aitty. Olardy ajyratqysy keldı: erlerdı bölek, äielderdı bölek. Bıraq adamdar jasyrynyp jürdı. (Reseilık – Red.) äskeriler adamdardan telefondaryn alyp, tolyǧymen tıntıp jürdı. Sebeı olar ukraindyq äskerilerge olardyŋ reseilık tehnikasy qaida ekenın eskertpeu üşın jasady. Reseilıkter ūnatpaǧan adamdardy atyp tastady. Būl qazırdıŋ özınde – būl qylmys. Bügın bızdıŋ top qaza tapqan tūrǧyndardyŋ denesın şyǧarumen ainalysty. Men aitamyn, bıreuge ūnamauy mümkın, olar ölgenderdıŋ denesın tankılermen ezıp kettı”, – dedı Markuşin.
İrpen merı «qala 100 paiyz bızdıŋ äskerdıŋ baqylauynda» dep sendırdı. Sondai-aq, ol tūrǧyndardy älı qalaǧa oralmauǧa şaqyrdy, öitkenı basqynşylar eldı mekendı üzdıksız atqylap jatyr.
“Bügıngı künı İrpende älı de qauıptı – bızdı Bucha, Vorsel audandarynan ünemı atqylauda. Qala ünemı «Grad», minometterden, auyr artilleriiadan, tankterden jäne atqyştardan atqylaudan zardap şegude. Bıraq perimetrdı tolyǧymen bızdıŋ äskerler baqylap otyr. Al İrpende reseilık basqynşylary joq”, – dep tüiındedı.
https://youtu.be/K0eKd6NaCi8
“Adyrna” ūlttyq portaly
