ءپۋتيننىڭ ۋكرايناعا قارسى سوعىسى رەسەيدىڭ تاس-تالقانىن شىعاردى. قازىردىڭ وزىندە 2022 جىلى اگرەسسور ەل تەرەڭ رەتسەسسياعا تاپ بولادى: ءوندىرىستىڭ قۇلدىراۋى، ءومىر ءسۇرۋ دەڭگەيىنىڭ ناشارلاۋى جانە ەكونوميكانىڭ باياۋلاۋى. بۇل تۋرالى حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا مالىمدەدى، دەپ جازادى "ادىرنا" ۇلتتىق پورتالى.
"ۋكرايناداعى اسكەري ارەكەتتەر بۇل ەلدى كۇيرەتىپ جاتىر... جانە ولارعا ايتارلىقتاي زيانىن تيگىزۋدە. رەسەي بيىل تەرەڭ رەتسەسسيادا ۇشىرايدى", - دەدى گەورگيەۆا دۋبايداعى دۇنيەجۇزىلىك ۇكىمەت سامميتىندە سويلەگەن سوزىندە.
ايتا كەتەيىك، رەسەيدىڭ ۋكرايناعا جاساعان شابۋىلىنا بايلانىستى اگرەسسور ەلدىڭ 300-دەن استام كومپانياسى مەن 900 ازاماتى اقش، ۇلىبريتانيا، كانادا، اۆستراليا، جاپونيا جانە ەو تاراپىنان سانكتسياعا ۇشىرادى. شەكتەۋلەردىڭ ەڭ «تانىمال» ءتۇرى جەكە تۇلعالاردىڭ دا، زاڭدى تۇلعالاردىڭ دا اكتيۆتەرىن بۇعاتتادى.
"ادىرنا" ۇلتتىق پورتالى
