بۇل جولداۋدى العاشقى ۇلكەن تۇجىرىمداما رەتىندە ەسەپتەۋگە بولادى – بەرىك ابدىعاليۇلى

2289
Adyrna.kz Telegram

پارلامەنت ءماجىلىسىنىڭ دەپۋتاتى بەرىك ابدىعاليۇلى «TALQYLAU» پىكىرتالاس الاڭىنىڭ العاشقى وتىرىسىندا مەملەكەت باسشىسىنىڭ جولداۋىندا ايتىلعان وزگەرىستەر جايلى پىكىر ءبىلدىردى، دەپ حابارلايدى «ادىرنا» ءتىلشىسى.

«مەملەكەت باسشىسى قاڭتار ايىنداعى ۇندەۋىندە بۇل جولداۋىن كۇزدە جاسايمىن دەگەن ەدى. بىراق ەلىمىزدەگى احۋالدىڭ تەز وزگەرۋىنە بايلانىستى پرەزيدەنت جولداۋىن شۇعىل ناۋرىزدا ايتۋعا شەشىم قابىلدادى. بىراق بۇل ۇسىنىستار بۇرىننان بەرى دايىندالىپ كەلە جاتقان. بۇنى سايلاۋ كەزىندە دە ايتقان. بىراق قاڭتاردان كەيىن ەلىمىزدە احۋال وزگەردى»، - دەيدى بەرىك ابدىعاليۇلى.

ول ءسوز اراسىندا ءالى رەفورمالار بولاتانىن، سەبەبى مۇنى حالىق تالاپ ەتەتىنىن جەتكىزدى.

«قازىر ساياسي بيلىك تۇگەلدەي مەملەكەت باسشىسىنىڭ قولىنا ءتيدى. قاۋىپسىزدىك كەڭەسى دە، پارتيا دا، اسسامبلەيا دا. ياعني، تولىققاندى ساياسي رەفورما جاساۋعا پرەزيدەنتتىڭ مۇمكىنشىلىگى كەڭەيدى. سوسىن، حالىقتىڭ تالابى كۇشەيدى. ەل وزگەرىستى بۇرىننان-اق تالاپ ەتەتىن. بىراق قاڭتار وقيعاسىنان كەيىن حالىق وزگەرىستەردى قازىر، بۇگىننەن تالاپ ەتىپ جاتىر.
سوندىقتان وزگەرىستەر ءپىسىپ-جەتىلگەنى تۋرالى تالاي ايتىپ ءجۇرمىز. وسى جولعى جولداۋدى العاشقى ۇلكەن تۇجىرىمداما رەتىندە ەسەپتەۋگە بولادى. ونىڭ ءوزىن مەن العاشقى باستاماسى دەپ ەسەپتەيمىن. ءالى دە رەفورمالار بولادى. ويتكەنى مۇنى حالىق تالاپ ەتىپ وتىر. الەۋمەتتىك جەلى بولسىن، حالىقتىڭ اراسىندا جۇرسەڭىز دە، قايدا بولسىن حالىق وزگەرىستى تالاپ ەتەدى»، - دەدى ءماجىلىس دەپۋتاتى.

ونىڭ ايتۋىنشا بيۋدجەتتى جوسپارلاعاندا ارنارسەنىڭ ولەمى بولۋى كەرەك.

«ءبىرىنشى كەزەكتە ءار ادامنىڭ جاعدايىنا قاراۋ كەرەك. ءار اۋىلدان باستاپ، بيۋدجەتتى جوسپارلاعاندا ءاربىر تيىن ءاربىر ازاماتقا، سونىڭ ولشەمى بولۋى ءتيىس. ادام – بىزدە بارلىعىنا ولشەم. مىنە، قازىرگى بىزدەگى ناعىز قاعيدا وسى. سوعان كەلە جاتىرمىز»، - دەپ بەرىك ابدىعاليۇلى ويىن اياقتادى.

«ادىرنا» ۇلتتىق پورتالى

پىكىرلەر